Os nacionalistas instarán ao alcalde a que cumpra coa súa palabra de facilitar a repoboación de terreos particulares a aquelas persoas que estean interesadas en facelo, tal e como se comprometeu a facer a finais de 2024
O Bloque lembra que varios municipios da contorna, como O Grove, Poio e Barro, xa forman parte do movemento creado a nivel autonómico para promover un compromiso política que sirva para reducir a superficia ocuapda por eucaliptais
O grupo municipal do Bloque Nacionalista Galego (BNG) levará ao Pleno ordinario de maio, que terá lugar o vindeiro luns 26, unha moción para solicitar a declaración de Sanxenxo como Concello Libre de Eucaliptos, coincidindo coa conmemoración do Día Internacional do Medio Ambiente, que celebra o 5 de xuño. Deste xeito, o municipio pasaría a adherirse a un movemento iniciado no seu día a nivel autonómico que busca promover activamente a substitución progresiva de eucaliptais por especies forestais autóctonas, ademais de tratar de reducir novas plantacións de eucaliptos e apoiar iniciativas de información, sensibilización e asesoramento técnico á veciñanza sobre as vantaxes das especies autóctonas e os inconvintes da excesiva proliferación do eucalipto. A día de hoxe son xa varios os concellos da contorna que forman parte desta rede, como é o caso de Poio, O Grove ou Barro, entre outros.
Ademais, o Bloque tamén inclúe na súa moción un punto no que solicita ao alcalde, Telmo Martín, que dea cumprimento á promesa que lle fixo a un gran número de veciños e veciñas en diferentes reunións informativas, convocadas a finais de 2024 para resultar dúbidas sobre as obrigas na xestión de biomasa. O seu compromiso foi de que aquelas persoas propietarias que tivesen limpos os seus terreos e estivesen interesadas en repoboar eses espazos con especies autóctonas recibirían as árbores de xeito gratuíto por parte do Concello. Os nacionalistas sinalan que o señor Martín chegou a expresar o seu desexo de que “ogallá non houbese un só eucalipto en Sanxenxo”, preocupación que o BNG comparte, sobre todo tendo en conta a extensa superficie ocupada por esta especie en Galicia, que, segundo datos de ADEGA, achégase ao 17% de todo o territorio do país (unhas 500.000 hectáreas). “Esta especie, ademais do seu carácter pirófito, que favorece a proliferación de incendios, contribúe á perda de biodiversidade, ao desprazamento de especies autóctonas de fauna e flora e á degradación dos nosos ecosistemas”, recordan desde o grupo da oposición, de ahí que incidan en que “é o momento de que o Concello dea pasos firmes e coherentes coas manifestacións do alcalde”, aprobando a declaración de Concello Libre de Eucaliptos.
O BNG recorda que foi nas reunións informativas celebradas durante o mes de novembro en Arra, Nantes, Dorrón e Noalla nas que Telmo Martín se compromoteu a facilitar a prantación de especies autóctonas unha vez realizados os traballos de xestión de biomasa. O BNG considera indispensable que o Goberno local estableza “de forma urxente un procedemento áxil, claro, accesible e debidamente publicitado, para o coñecemento da veciñanza que desexe beneficiarse dese compromiso”. Na moción tamén se insta á Xunta de Galicia a que priorice as axudas para a reforestación con especies autóctonas no termo municipal, así como a apoiar activamente aos propietarios que opten por eliminar eucaliptais “para substituílos por modelos silvícolas máis diversos e resilientes”.
Dentro dos beneficios que supón facilitar a repoboación de parcelas con especies autóctonas, o BNG tamén apunta que impulsar este tipo de actuacións suporía evitar que as zonas nas que se retira a biomasa quedasen desprovistas de cuberta arbórea e totalmente desforestadas, un feito que, ademais de supoñer un importante impacto paisaxístico, provoca unha maior erosión das superficies pola acción da choiva e do vento, ademais da proliferación de maleza se non se actúa con rapidez.
Os nacionalistas, ademais, inciden en que a inmnente conmemoración do Día Internacional do Medio Ambiente é unha data axeitada para que a declaración se faga a todos os efectos.
