Home Tabeirós A Estrada O BNG quere saber cantas persoas hai censadas na Estrada a 31...

O BNG quere saber cantas persoas hai censadas na Estrada a 31 de decembro de 2022

- Anuncio -

Xoán Reices: “Mentres A Estrada baixa, baixa de poboación, baixan os ingresos, baixa a actividade económica…, o soldo do alcalde é o único que sobe, pasando dos 55.000 € brutos que cobraba no mandato de 2015-2019, a 58.372 € brutos de 2022”

Tras as últimas declaracións do alcalde a respecto do número de persoas censadas no noso concello, o BNG da Estrada vén de rexistrar unha pregunta a través da súa concelleira Susana Camba sobre o censo de poboación.

Segundo explicou o candidato á alcaldía Xoán Reices, “os datos que publicou o IGE recentemente sobre o censo da Estrada están claro, no mes de xullo de 2022 eramos 19.916 persoas, un número que baixa o noso concello de categoría, aínda que, evidentemente, son datos provisionais e falta aínda por confirmalo”.

“Con todo”, explica Reices, “en declaracións á prensa o alcalde rebate estes datos do Instituto Galego de Estatística, e neste sentido, entendemos que a veciñanza da Estrada ten dereito a coñecer cal é o dato exacto, cal é o número exacto de persoas censadas a 31 de decembro de 2022”.

“Aquí xa non valen trucos nin declaracións”, engade, “a nosa concelleira rexistrou a pregunta e a resposta terá que ser por escrito.”

O candidato á alcaldía do BNG indicou que “que A Estrada baixe dos 20.000 habitantes terá consecuencias económicas para as arcas municipais, obviamente sociais, xa que con menos ingresos repercutiría nos servizos que presta o concello, e tamén consecuencias políticas, xa que ao baixar desa cifra o pleno da corporación pasaría de 21 concelleiros e concelleiras a 17”.

“O que xa teñen claro a estas alturas os nosos veciños e veciñas é que mentres A Estrada baixa, baixa de poboación, baixan os ingresos, baixa a actividade económica…”, afirma Reices, “o soldo do alcalde é o único que sobe, pasando dos 55.000 € brutos que cobraba no mandato de 2015-2019, a 58.372 € brutos”. “Se o concello fose unha empresa, que non o é”, engade, “e avaliásemos a xestión e os resultados está claro que a López habería que despedilo como alcalde”. “Os veciños e veciñas teñen na súa man facelo no mes de maio”, engade, “apostando por unha candidatura que cree nas potencialidades do noso concello”.

Relacionadas

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Aprazado para o sábado 6 e domingo 7 o III Encontro de Viños da...

0
Mantéñense as actividades paralelas no edificio da praza da Inmaculada Debido á adversa previsión do tempo para  a fin de semana o III Encontro de...

Actividade de Fotografía e Natureza aprazada

0
A actividade de Fotografía e Natureza programada para o día 30 queda aprazada pola chuvia ata novo aviso.

Publicacións Relacionadas