Manuel Fariña: “A situación actual do PAC está a poñer en risco, día si, día tamén, a vida dos veciños e veciñas
A madrugada do po Luns a redor das 2 da mañá, unha parella detecta que o seu fillo de moi curta idade respira con moita dificultad. Sen mais demora corren con urxencia o PAC de Caldas, e, unha vez ali, atópanse que no PAC de Caldas non ten persoal medico de garda.
O persoal de enfermería, que en un primeiro momento atende ao menor, vese sobrepasado pola patoloxía urxente do neno e, con gran profesionalidade, mantendo a calma dos seus proxenitores e o propio doente alerta á central de coordinación do 061. Mobilízanse a Ambulancia de Soporte Vital Básico con base en Caldas e ta Ambulancia de Soporte Vital Avanzado (UVI móbil) con base en Vilagarcía, Unha vez chegados estes recursos ao PAC comezan con un tratamento de urxencia o menor que resulta efectivo cara a sua doenza.
Así, o que nun principio era un risco para a vida do menor, agora tornouse nun susto para a familia. “A casualidade quixo que a esa hora e ese día a UVI móbil non estívese ocupada noutro servizo, nunha área sanitaria totalmente colapsada”, afirmou o portavoz do BNG, Manuel Fariña.
“Esta vez déronse unha serie de casualidades que non sempre se dan, e a saúde dos caldenses e das caldenses, non pode estar supeditada a que se dea unha carambalo”, dixo Fariña.
O portavoz municipal do BNG volveu insistir na necesidade de que a Xunta poña todos os
medios necesarios para que os veciños e veciñas de Caldas contemos cunha atención sanitaria pública de calidade. “A nosa saúde non pode estar a expensas do que nos atopemos cada día no PAC, a Xunta ten a obriga de garantir unha asistencia sanidade pública e de calidade, e se estamos nunha situación tan delicada é porque o goberno galego do PP leva 13 anos erosionando a mantenta a sanidade pública galega.