Home Pontevedra Baixo Miño O Centro de Día de Tomiño abre as súas portas á veciñanza

O Centro de Día de Tomiño abre as súas portas á veciñanza

- Anuncio -

Os días 1 e 2 de xuño celebra dúas xornadas de portas abertas con charlas, bingo, gastronomía e deporte

O Centro de Día de Tomiño abre as súas portas á veciñanza. Os vindeiros xoves 1 e venres 2 de xuño, o centro acolle un amplo programa de actividades abertas a toda a comunidade coas que queren animar a tomiñeses e tomiñesas a coñecer aos seus usuarios e usuarias e o traballo que realiza o seu equipo de profesionais.

A apertura destas dúas xornadas de portas abertas será o xoves 1 ás 10.30 horas cunha interesante charla informativa sobre ciberseguridade impartida por persoal da Garda Civil. Xa pola tarde, a actividade continuará cunha divertida sesión de bingo que se celebrará coa colaboración de rapazas e rapaces do Consello da Infancia e Adolescencia de Tomiño, Voces Novas. Tras o xogo chegará o momento de saborear os pinchos degustación elaborados polas persoas usuarias do centro.

O venres 2 a festa continuará co acto de actualización da árbore das pegadas ás 10.30 horas para seguir con ‘Móvete con nós’, unha actividade dirixida polo persoal de MeUFIT Tomiño coa que desfrutar do deporte. A xornada rematará co I Concurso de Empanadas CD Tomiño, realizado polos establecementos hostaleiros da contorna e amenizado polo grupo Airiños de San Miguel. Será ás 16.00 horas e será o público visitante o que exerza de xurado para escoller a mellor empanada.

Dende o Concello de Tomiño agradécese a colaboración de todas as asociacións, entidades e grupos que achegan o seu gran de area para que a veciñanza coñeza o Centro de Día dun xeito ameno e divertido e convida a todos os tomiñeses e tomiñesas a participar nas xornadas de portas abertas.

Relacionadas

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Aprazado para o sábado 6 e domingo 7 o III Encontro de Viños da...

0
Mantéñense as actividades paralelas no edificio da praza da Inmaculada Debido á adversa previsión do tempo para  a fin de semana o III Encontro de...

Actividade de Fotografía e Natureza aprazada

0
A actividade de Fotografía e Natureza programada para o día 30 queda aprazada pola chuvia ata novo aviso.

Publicacións Relacionadas