Home Pontevedra O Condado O centro municipal de Canedo, en proceso de mellora

O centro municipal de Canedo, en proceso de mellora

- Anuncio -

Comezaron as obras de renovación da envolvente térmica do edificio, coas que aumentar a eficiencia enerxética e ofrecer un maior confort ás persoas usuarias

O Concello de Ponteareas xa comezou as obras de mellora do edificio que acolle o centro de recursos para as persoas con discapacidade e a Asociación Veciñal de Canedo. O obxectivo destes traballos é mellorar a envolvente térmica do edificio e dotar ao inmoble de climatización para potenciar a confortabilidade das instalacións e, ao mesmo tempo, axudar a reducir as emisións de CO2.

A alcaldesa, Cristina Fernández Davila, salienta que todas estas melloras que xa se están a realizar nestas dependencias “beneficiarán a todos os usuarios e usuarias das instalacións, tanto á veciñanza de Canedo como ás persoas que participan nos obradoiros de atención diúrna terapéutica ocupacional ou ás persoas con discapacidade que utilizan os servizos de Adapta, que poderán gozar dunhas instalacións modernas e confortables”.

Todos os traballos que se levarán a cabo nas instalación “permitirán un aforro no consumo do edificio do 56%”, como sinala a concelleira de Benestar Social, Verónica Carrera. Para iso, estase procedendo ao illamento das fachadas polo exterior dos distintos módulos, da cuberta e dos falsos teitos; substituíndo as carpintarías exteriores dos módulos superiores; renovando de forma integral un local da planta baixa e acondicionando a soleira de todos os módulos da planta superior, entre outras actuacións.

As obras, que suporán un investimento de case 328.000 euros, contan co cofinanciamento da Unión Europea a través do Fondo Europeo de Desenvolvemento Rexional (FEDER) a través do IDAE, do Ministerio para la Transición Ecológica, e a través do Plan Concellos 2021 da Deputación de Pontevedra.

Relacionadas

Redondela mantén a punto os areais no comezo da primavera

0
Nas semanas previas á chegada da primavera e a Semana Santa o departamento de Medio Ambiente do Concello de Redondela deixou en estado de...

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Aprazado para o sábado 6 e domingo 7 o III Encontro de Viños da...

0
Mantéñense as actividades paralelas no edificio da praza da Inmaculada Debido á adversa previsión do tempo para  a fin de semana o III Encontro de...

Publicacións Relacionadas