Home Deputacións Deputación Pontevedra O ciclo teatral da Deputación chega este sábado 18 a Rodeiro coa...

O ciclo teatral da Deputación chega este sábado 18 a Rodeiro coa obra “Comando comadres”, de Matrioshka Teatro

- Anuncio -

A representación terá lugar ás 22:00 horas no Centro Cultural, con entrada libre ata completar o aforo

O concello de Rodeiro será escenario este sábado 18 de novembro da función “Comando comadres”, a cargo da compañía Matrioshka Teatro, no marco do ciclo “Tornar ás táboas”, co que a Deputación de Pontevedra está a espallar o teatro por toda a provincia neste último trimestre do ano. A representación terá lugar ás 22:00 horas no Centro Cultural e a entrada será libre ata completar o aforo.

A peza é un eespectáculo en clave de humor para público adolescente e adulto no que un grupo de “art-ivistas” organizadas en diferentes comandos poñen en evidencia as múltiples manifestacións da violencia machista e cuestionan a persistencia dos seus valores no pensamento actual e na xestión dexenerativa dos recursos naturais. Así, os comandos establécense como pequenas unidades preparadas para as encomendas máis perigosas: levar a cabo incursións no territorio inimigo para poñer luz sobre a inxustiza e volver airosas da misión. Son células combatentes irreverentes que van creando unha rede de Comandos Comadres a nivel mundial centrada na importancia da igualdade de dereitos e deberes sociais entre ambos xéneros tanto no ámbito público coma no privado, dos coidados dos ecosistemas sans e equilibrados, así coma dos afectos cos que crear lazos de sororidade e empatía. Con esta función, Matrioshka busca render homenaxe “a todas as heroínas de a diario, as señoras silenciadas, perseguidas, queimadas, torturadas, os saberes invisibilizados e a historia oculta do noso pasado”.

Co ciclo teatral “Tornar ás Táboas” a Deputación de Pontevedra vai achegar entre outubro e decembro un total de 49 funcións gratuítas e dirixidas a todos os públicos a outros tantos concellos da provincia de menos de 20.000 habitantes, coa participación de trinta compañías galegas que ofrecerán unha ampla variedade de espectáculos.

Relacionadas

O Concello de Nigrán insta ao Parlamento a que tramite de xeito urxente unha...

0
María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e...

Covelo felicita a Leonor polo seu 101 aniversario

0
Leonor cumpre hoxe 101 anos na compaña do persoal da residencia de maiores de Covelo e das e das residentes. Esta veciña de Sabarís,...

Marín ruxirá esta fin de semana coa celebración en Briz do Ruxe Marín

0
Axe Bahía Batucada presentaron o evento xunto coa concelleira de Festas, Marián Sanmartín.  A Asociación Cultural Axé Bahia Batucada presentou xunto coa concelleira de Festas,...

Os xogos de auga do Paseo Alcalde Blanco volverán estar activos esta fin de...

0
A brigada municipal de Augas está estes días poñendo de novo en funcionamento o sistema, que non supón gasto de auga dado que se...

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

EuRural e o Xeodestino Ría de Vigo e Baixo Miño brillan baixo os focos...

0
Durante tres días o público puido visionar os vídeos promocionais da campaña ‘Vivir experiencias, compartir territorio’ e a contraportada do Canzine destacou o proxecto...

Publicacións Relacionadas