O goberno local remite un novo escrito ao ente autonómico para solicitar unha xuntanza que sente as bases dun diálogo fluido entre ambas administracións
O goberno local de A Illa remitiu a Portos de Galicia un novo escrito solicitando data para unha reunión entre ambas administracións que sente as bases dun diálogo fluido que permita consensuar as futuras actuacións do ente autónomo no municipio arousán.
Máis alá da reparación puntual que Portos de Galicia está a realizar no Paseo do Cantiño para solventar os últimos desplomes, o goberno local considera que chegou a hora de planificar unha actuación global nese entorno similiar á que a Consellería do Mar está a promover noutros puntos do litoral da contorna.
O goberno local entende que a inspección técnicas que Portos se comprometeu a realizar no Paseo do Cantiño ainda non esté rematada, máis sen embargo apunta que consideran que non é necesario esperar ás conclusións sobre o estado desta infraestructura para manter unha primeira reunión na que establecer uns parámetros de traballo e na que o alcalde de A Illa traslade a Portos as súas suxestións para este espazo.
Durante a última visita da presidenta de Portos, Susana Lenguas, a A Illa, o concelleiro de Servizos, Luis Arosa, trasladoulle xa a opción de construir un estacionamento soterrano baixo O Cantiño, un proxecto enviado á Xunta hai xa máis dunha década e que o goberno local quere agora retomar, xa que encaixaría coa transformación urbanística que está a rexistrar o municipio coa humanización da Praza do Regueiro e a Avenida Castelao, ambas cun tratamento que prioriza a seguridade dos peóns sobre o tráfico rodado.
“Non ten que ser o mesmo proxecto. O que queremos é sentarnos a falar e consensuar que queremos para O Cantiño e como o queremos, e que a Xunta sexa receptiva ás nosas suxerencias. Están investindo en entornos como Portonovo e nós pedimos que se nos teña en conta en igualdade de condicións que ao resto de concellos de Galicia”, explica Luis Arosa, que recorda que A Illa absorbe na temporada estival un elevado volume de vehículos que, pola singularidade xeográfica, xeneran un forte impacto no tráfico. “Habilitamos un aparcamento disuasorio no Bao pero é insuficiente. Cremos que é de xustiza que Portos acceda a reunirse con nós e a valorar todas as opcións. Na Illa o terreo é escaso e as alternativas para un aparcamento disuasorio non sobran”, conclúe Luis Arosa.
