Home O Morrazo Marín O Concello asegura que o ascensor da piscina municipal quedará arranxado nos...

O Concello asegura que o ascensor da piscina municipal quedará arranxado nos próximos días e explica que se está a preparar a licitación do aire acondicionado

- Anuncio -

O concelleiro de Deportes, Antonio Traba, saíu esta mañá ao paso dalgunhas das críticas dos usuarios da piscina municipal, debido ás deficiencias que se presentan no servizo, das que o Goberno local é coñecedor e por iso está en proceso de ir mellorando, na medida das posibilidades, cada unha delas.

Por unha banda, Traba aclara a situación ocorrida co proxecto de reforma, onde “o mal tempo e as dificultades atopadas durante a execución”, fixeron que unha obra prevista para 3 ou 4 meses de prazo, finalmente estivera máis de 8 meses en activo, o que tamén afectou á maquinaria da piscina.

Ademais, o edil aclara que este proxecto “non incluía actuar nalgunhas zonas, como os vestiarios, por exemplo. A inversión realizouse para resolver problemas grandes a nivel estructural, como a impermeabilización do tellado, a mellora da sala fitness e a mellora da fachada”.

Traba referiuse a unha das cuestións que máis está incomodando ás persoas usuarias, relativo ao aire acondicionado. O edil asegurou “entender o malestar”, pero explica que dotar a unha infraestrutura deportiva coma esta da climatización e do aparello de deshumidificación é un importe moi elevado, “polo que precisa dunha licitación, que é no que estamos traballando”. Namentres, afirmou Traba, “trataremos de buscar algunha medida temporal, pero o obxectivo é facer a instalación, para o que precisamos algo máis de tempo polos pasos administrativos que hai que dar”.

Con respecto a algunha maquinaria, Traba afirma que se trata de máquinas sensibles que en moitos casos se viron afectadas polo parón tan longo. “No momento no que abrimos a piscina, funcionaban correctamente, pero iso non exime de que nalgún momento puideran fallar”, explica. Nese sentido, adianta que se está a tratar de repoñer a máis urxente e utilizada.

Finalmente, o edil de Deportes falou sobre o fallo do ascensor, que “quedará resolto nos próximos días”, Segundo explicou, “foi unha consecuencia da obra, en cuxo transcurso rompeu un dos cristais do conducto superior, provocando filtracións de agua”. O antes posible, afirmou, estará arranxado.

Relacionadas

O Concello de Nigrán insta ao Parlamento a que tramite de xeito urxente unha...

0
María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e...

Covelo felicita a Leonor polo seu 101 aniversario

0
Leonor cumpre hoxe 101 anos na compaña do persoal da residencia de maiores de Covelo e das e das residentes. Esta veciña de Sabarís,...

Marín ruxirá esta fin de semana coa celebración en Briz do Ruxe Marín

0
Axe Bahía Batucada presentaron o evento xunto coa concelleira de Festas, Marián Sanmartín.  A Asociación Cultural Axé Bahia Batucada presentou xunto coa concelleira de Festas,...

Os xogos de auga do Paseo Alcalde Blanco volverán estar activos esta fin de...

0
A brigada municipal de Augas está estes días poñendo de novo en funcionamento o sistema, que non supón gasto de auga dado que se...

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

EuRural e o Xeodestino Ría de Vigo e Baixo Miño brillan baixo os focos...

0
Durante tres días o público puido visionar os vídeos promocionais da campaña ‘Vivir experiencias, compartir territorio’ e a contraportada do Canzine destacou o proxecto...

Publicacións Relacionadas