Home Pontevedra A Lama O concello da Lama rematará o seu ambicioso programa de Nadal cunha...

O concello da Lama rematará o seu ambicioso programa de Nadal cunha Cabalgata na que os Reis chegarán en calexa acompañados por unha “Butaca Real””

- Anuncio -

• O alcalde David Carrera e o concelleiro de Cultura e Deportes, Plácido Pillado Alfaya presentaron as actividades deseñadas para persoas de todas as idades nas que estará presente Papá Noel, música, teatro, cine e obradoiros para todos os gustos

O alcalde David Carrera e o concelleiro de Cultura e Deportes, Plácido Pillado Alfaya, presentaron o programa de actividades que o Concello da Lama porá en marcha este Nadal, coordinado pola Oficina de Información Xuvenil (OMIX), para facilitar a conciliación laboral e familiar no que haberá obradoiros, música, espectáculos infantís, unha saída a Pontevedra para que os cativos poidan participar nas atracción do Recinto Feiral, un concerto solidario de Nadal e unha cabalgata de Reis Magos acompañada por unha “batucada real”.

Así, este sábado 16 de decembro, ás 19 horas, chegará ao Multiusos da Lama a obra de teatro “Ladrón de risas”, de Expresión Producións, dentro do programa “Tornar ás táboas”, que impulsa en colaboración cos concellos a Deputación de Pontevedra.

Ademais de poñer en marcha unha nova edición do programa Concilia Nadal en colaboración coa ANPA Cal do Vergazo, o Concello da Lama traerá, en colaboración coa Agrupación de Voluntarios de Protección Civil Oitavén-Tea, o 21 de decembro ata o Colexio a Papá Noel que repartirá agasallos e caramelos entre os cativos. A continuación, a caravana de Papá Noel contribuirá a dinamizar o comercio local paseando pola vila e animando o Nadal aos veciños e veciñas da Lama.

O sábado 23 de decembro celebrarase un obradoiro de decoración floral especialmente pensado para adornar as portas e fogares en Nadal e será impartido de 11:30 a 13:30 horas no edificio da antiga Escola-Obradoiro de Emprego. Será gratuíto e está pensado para que asistan tanto nenos e nenas como adultos.

O 26 de decembro e o 3 de xaneiro tocaralle o turno ao Nadal de Cine coa proxección no Multiusos das películas “Os Minions-A orixe de Gru” e “Tadeo Jones 3”, respectivamente, que se proxectarán ás 17:30 horas.

O 27 de decembro haberá un espectáculo de maxia ás 17:30 horas no Multiusos, baixo o título de “Ilusiónate” mentras que o sábado 30 de decembro terá lugar unha actividade pensada para toda a familia: “Contos á luz das estrelas”.

O Concello organiza, en colaboración coa ANPA, para o venres 29 de decembro unha viaxe gratuíta para nenos e nenas da Lama a Pontevedra para participar nas actividades recreativas instaladas no Recinto Feiral. O autobús sairá ás 16 horas desde as inmediacións da Casa Consistorial da Lama.

O martes 2 de xaneiro, os Carteiros Reais percorrerán todas e cada unha das parroquias do municipio para recoller as cartas escritas polos máis cativos da casa facendo unha pequena parada e amosando un espectáculo de rúa. As cartas serán recollidas nunha urna especial para logo seren entregadas ás Súas Maxestades Os Reis Magos.

O xoves 4 de xaneiro terá lugar o “Concerto Solidario de Nadal”, que contará con agrupacións musicais vencelladas co concello como Os Catro Ventos e a Banda de Música Municipal da Lama. Esta actividade terá lugar ás 20 horas no salón de actos do CEIP da Lama ao que se poderá acceder previo depósito dun quilo de alimentos non perecedeiros que serán entregados aos Servizos Sociais do Concello para seren repartidos entre as familias máis vulnerables do municipio. Ao remate, terá lugar unha chocolatada popular gratuíta entre os asistentes.

Este amplo e completo programa de Nadal rematará o 5 de xaneiro coa celebración da Gran Cabalgata de Reis que terá lugar a partir das 17:30 horas polas rúas do centro da Lama e estará acompañada por unha “Batucada Real” que acompañará ás Súas Maxestades que chegarán á Lama subidos nunha suntuosa calexa tirada por cabalos. Despois de percorrer as principais rúas do centro da Lama, as Súas Maxestades ofrecerán ao público unha audiencia real no Multiusos da Lama. Os asistentes, ademais de deixarlle as cartas e as últimas peticións aos Reis Magos poderán levarse gratuitamente unha fotografía de recordo nun posado cos Reis Magos.

Relacionadas

A Deputación concede preto de 34.000 euros ao Concello do Rosal para a adquisición...

0
Trátanse de recursos do Plan Extraordinario de Infraestruturas Deportivas que distribuíron xa máis de 1,7 millóns de euros entre 28 concellos da provincia de...

A Deputación aproba máis de 30.000 euros para que o Concello da Lama mellore...

0
Estes recursos enmárcanse no Plan Extraordinario de Infraestruturas Deportivas que xa mobilizou máis de 1,7 millóns de euros entre 28 concellos da provincia de...

A Deputación celebra o Día do Libro cun contacontos e diversas propostas dixitais para...

0
O ilustrador Marc Taeger e o contador de contos Caxoto serán os encargados da actividade que se celebrará o vindeiro martes 23 de abril,...

A Oficina de Turismo de Redondela e o Meirande abren as súas portas

0
Redondela comeza oficialmente a temporada turística coa apertura da súa Oficina de Información, na rúa Isidoro Queimaliños, e do centro de interpretación da Batalla...

O concello de Nigrán entra no Grupo Asesor de Unicef-España a través de Cayetana...

0
Estes dous representantes do Consello Escolar Municipal foron seleccionados xunto a outros 3 de Galicia (Moaña, Ponteareas e Teo) para formar parte do grupo...

A terceira edición da Feira do Libro de Soutomaior chega pisando forte con 3...

0
Este ano, por primeira vez, esta cita tamén se vaia a celebrar na parroquia de Soutomaior. Deste xeito o 23 de abril centrará o...

Publicacións Relacionadas