• O Concello de Arbo anuncia a dotación de novos recursos bibliográficos na Biblioteca Pública Segundo Gil Dávila, un total de 90 novos exemplares que están ao dispor dos veciños e veciñas de Arbo.
• O investimento ten como finalidade ampliar o fondo bibliográfico, cunha énfase especial en literatura infantil e xuvenil, así como na promoción de hábitos lectores en diferentes sectores da poboación. O orzamento destinado a esta iniciativa ascende a 1.463,72 euros.
O Concello de Arbo, adquire un total de 90 novos libros que permiten incrementar substancialmente a variedade e actualización dos fondos dispoñibles na biblioteca municipal. Este reforzo nas coleccións ten unha especial atención en literatura infantil e xuvenil, sectores fundamentais para fomentar as habilidades de lectura nas primeiras etapas da vida.
A introdución dunha maior diversidade nestes xéneros facilita a integración cultural e promove o interese pola lectura entre nenos, adolescentes e mesmo adultos, brindando unha oportunidade para que toda a comunidade acceda á cultura e á formación de hábitos lectores desde idades temperás.
O alcalde de Arbo, Horacio Gil, afirmou: “Fomentar a lectura é un investimento no futuro da nosa comunidade, e esta iniciativa busca ampliar o acceso á cultura e fortalecer o sector das librerías locais mediante unha maior diversidade e actualización de contidos”. Esta declaración subliña o compromiso do Concello de promover actividades culturais e consolidar unha contorna que incentivará o uso da biblioteca e o apoio ás librerías da localidade.
A importancia da lectura como ferramenta fundamental para o desenvolvemento cognitivo e emocional das persoas foi unha prioridade nas políticas culturais do Concello no ano 2025, que ademais dotou á Biblioteca de novos computadores con conexión gratis a internet.
A ampliación do catálogo permitirá responder á demanda de diferentes perfís de usuarios e promover a participación activa en iniciativas culturais relacionadas coa lectura.
O alcalde de Arbo, Horacio Gil, afirmou: destacou que “a diversificación da oferta bibliográfica e a promoción da lectura serán elementos crave para seguir construíndo unha comunidade máis educada e participativa”. Nesta liña, o Concello proxecta seguir impulsando accións que reforcen a presenza da cultura na vida cotiá dos habitantes de Arbo, entre elas a dinamización de espazos e actividades que acheguen a biblioteca a toda a cidadanía e anima a toda a poboación a visitar e usar a biblioteca.
A iniciativa reflicte o compromiso municipal pola cultura, a educación e o emprego de recursos que respondan os intereses e necesidades da poboación, fomentando así unha comunidade máis culta, participativa e preparada para os desafíos futuros no ámbito cultural e social.
O horario da Biblioteca é de Luns a Venres en horario de mañá: 10:15 a 14:00horas e en horario de tarde: 15:30 a 19:15h.
