-A data límite será o 31 de agosto de 2024
Cando se iniciou o servizo de telefonía móbil de nova xeración (4G e 5G) en Baiona, este Concello, a través da concellería de Tecnoloxías, informou de que podían producirse afectacións na recepción de televisión dixital terrestre (TDT).
Para solucionar estas afectacións e garantir que a posta en servizo das estacións base de telefonía móbil non afectase á TDT, a entidade CHEGA700 estivo levando a cabo as actuacións técnicas necesarias nas instalacións de recepción dos usuarios de TDT. Estas actuacións son de carácter gratuíto para os cidadáns afectados.
Agora, este prazo desde o aceso dunha ou varias das estacións que afectan o municipio para resolver incidencias na recepción da TDT sen custo para os cidadáns chega ao seu fin.
O Concello de Baiona, a través da concellería de Tecnoloxías, informa que o 31 de agosto finalizará definitivamente o prazo para solicitar as actuacións gratuítas, por parte dos usuarios da TDT, polas posibles afectacións ocasionadas polos nodos de 4G e 5G.
No futuro, en Baiona, poderanse acender novas estacións base de telefonía para mellorar o servizo. En tal caso, desde o Concello, informaríase tanto deste feito como do prazo de atención gratuíta dirixida a corrixir as incidencias causadas nos fogares.
Para solicitar a axuda e atención ao usuario deberá contactarse con LLEGA700 no teléfono gratuíto 900 833 999.
