O concello de Baiona presenta unha nova velada músico-literario

Para mañá venres 8 de agosto, ás 20:00 h, a Concellería de Cultura preparou unha velada na que se combinarán as notas dos saxos e os textos de Álvaro Pombo. Será o grupo “ULTREIA” quen amenizará a xornada estival, facendo soar os ventos para o público que desexe gozar do seu interesante repertorio, nos xardíns de Cásaa-Museo da Navegación de Baiona con acceso libre e gratuíto para todas as persoas que desexen gozar da actividade. Interpretarán pezas do compositor español Iturralde, como Dixie for saxes ou Suite Hellenique. Tamén obras do mestre arxentino Piazzolla, coas súas coñecidas Volvo ao Sur ou Libertango, e mesmo algunhas composicións de jazz do afroamericano Scott Joplin, como The enterteiner. A sección literaria, a cargo do profesor, editor e investigador literario Antonio Rey Somoza, achegará ao público os textos do gañador do Premio de Literatura en lingua castelá Cervantes 2024, Álvaro Pombo. Novelista, poeta e académico da RAE, Pombo é un escritor de gran influencia na literatura contemporánea.