Home O Morrazo Bueu O concello de Bueu abre o prazo para a selección dun arquitecto/a...

O concello de Bueu abre o prazo para a selección dun arquitecto/a superior

- Anuncio -

• As persoas interesadas en participar no procedemento selectivo deberán entregar a solicitude do 22 de outubro ao 22 de novembro

O Concello de Bueu pon en marcha o procedemento de selección para cubrir en réxime de interinidade a praza de arquitecto/a superior que se atopa vacante. As persoas interesadas en concorrer poderán presentar as solicitudes dende o 22 de outubro ao 22 de novembro, despois de que se publicase o anuncio no Diario Oficial de Galicia. Esta convocatoria ábrese logo de que o anterior arquitecto municipal rematase a comisión de servizos durante dous anos.

Segundo se indica nas bases, o arquitecto ou arquitecta ten entre as súas funcións a emisión dos informes, propostas, estudios e demais de carácter técnico precisos dentro da súa competencia. Tamén realizará informes de licenzas de obras, e demolicións, redacción e dirección de obra de proxectos de obras de promoción pública vinculadas co Concello, redacción e tramitación de expedientes de modificación e revisión do planeamento xeral e de desenvolvemento que corresponda e Instrumentos de Xestión urbanística, así como outros informes técnicos de disciplina urbanística da súa competencia.

No proceso de selección valoraranse a formación académica e complementaria e a experiencia profesional, e despois deberán superarse tres probas na fase de oposición. A primeira delas, de tipo teórico, consiste nun cuestionario tipo test de cincuenta preguntas relacionadas co temario e as materias incluídas nas bases, e a segunda é práctica, e nela as persoas aspirantes deberán resolver un ou varios supostos prácticos, o que permitirá avaliar a capacidade para desenvolver as tarefas relacionadas co posto de arquitecto/a. Na terceira e última comprobarase o coñecemento da lingua galega, polo que se proporá a tradución directa ou inversa dun texto en castelán ou galego.

Este procedemento tamén permitirá elaborar una listaxe de reserva ou agarda coa que se poderían cubrir necesidades de emprego de carácter interino ou temporal.
As bases completas e a solicitude atópanse na web municipal www.concellodebueu.gal.

Relacionadas

Redondela mantén a punto os areais no comezo da primavera

0
Nas semanas previas á chegada da primavera e a Semana Santa o departamento de Medio Ambiente do Concello de Redondela deixou en estado de...

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Aprazado para o sábado 6 e domingo 7 o III Encontro de Viños da...

0
Mantéñense as actividades paralelas no edificio da praza da Inmaculada Debido á adversa previsión do tempo para  a fin de semana o III Encontro de...

Publicacións Relacionadas