Nun momento tan duro como o que estamos vivindo coas vagas de incendios, o alcalde, José Cela, quere destacar “o enorme esforzo que están a facer os veciños e veciñas de Moraña, así como as Comunidades de Montes, para manter limpas estas franxas e garantir a seguridade das vivendas”, expuxo.
O alcalde, José Cela, quixo expresar esta mañá o seu agradecemento á veciñanza de Moraña e ás Comunidades de Montes, que están a “facer un intenso traballo na limpeza das franxas secundarias, o que garante a seguridade do noso municipio e das vivendas”.
Cela explica que, nun momento tan duro como o que están vivindo noutros municipios e espazos por mor dos incendios, “é de destacar que afortunadamente de momento aquí non esteamos pasando por algo tan terrible e que, no caso de que aconteza, estamos preparados coa protección das vivendas”.
O alcalde, ademais, destaca que levar a cabo este labor por parte de particulares e de entidades como as CCMM “non é sinxelo, require traballo, esforzo e moita xestión, por iso é de destacar este compromiso que teñen co seu medio ambiente e coa seguridade dos seus veciños e veciñas”.