Será o mércores 8 de outubro con saída do barco do porto de Panxón ás 10:00 e regreso ás 12:00, un custe de 18 €/persoa
O Concello de Nigrán, dentro do seu programa de turismo social para persoas xubiladas, abre este venres 3 de outubro a inscrición para participar o mércores 8 de outubro nunha excursión en barco desde o porto de Panxón e degustación de mexillóns a bordo, ademais de animación musical. Os asistentes deberán presentarse no peirao ás 9:30 horas e o regreso estimado é ás 12:00 horas. Está destinada a persoas xubiladas, con prioridade aquelas empadroadas en Nigrán, e ten un custe de 18 €/persoa.
As inscricións levaranse a cabo na oficina de Información Cidadá do Concello de 9:00 a 12:00 horas e o cobro deberá ser mediante tarxeta. As prazas distribuiranse por rigorosa orde de solicitude ata completarse as 140.
O barco achegarase ata as bateas de Moaña, onde se ofrecerá unha explicación a bordo sobre o proceso de cultivo e recolección do mexillón, curiosidades sobre a vida nas bateas e a importancia deste produto en Galicia, con devandita degustación recén cocidos, acompañados de viño con ou refrescos
