O Concello de Nigrán informa que, como consecuencia da execución de traballos de mantemento, limpeza e desinfección do depósito de distribución de auga de Priegue por parte da empresa concesionaria Aqualia, en cumprimento do Real Decreto 3/2023, é preciso realizar unha suspensión temporal da subministración o martes 28 de xaneiro de 08:00 a 15:00 horas que afectará á zona alta de Priegue ata rúa dous Pazos, en Nigrán, en concreto afecta aos barrios de Medoñas, Pedrosas, Navás, Mámoa, Rouxo, Sanromán, Grolos e Nogueira.
O Concello lamenta as molestias que poida causar a interrupción da subministración necesaria para a execución destes traballos que melloran a prestación do servizo.
