Trátase dunha acción gratuíta de 180 horas que inclúe prácticas en empresas e que se encadra no programa FORMA-T
O Concello de Nigrán está a desenvolver un curso de ‘Xestión de Almacén e Manexo de Carretilla Elevadora’ para as trece veciñas desempregadas do municipio que se inscribiron nesta acción gratuíta do programa FORMA-T. Cunha duración total de 138 horas, xa realizaron 40 horas de formación teórica e están coa formación e prácticas de manexo de carretilla elevadora en Porto do Molle (para concluír o curso farán 80 horas de prácticas non laborais en empresas). O obxectivo é mellorar a cualificación profesional e a capacidade de inserción laboral das participantes.
O Centro de Información ás Mulleres (CIM) do Concello desenvolve desde setembro o Programa FORMA-T, destinado prioritariamente a mulleres empadroadas en Nigrán en situación de desemprego. Así, ademais deste curso, se está a levar adiante o de ‘Mobilización e cambios posturais de persoas dependentes’, ‘Necesidades educativas especiais a través do ocio’, ‘Administración electrónica’ e ‘Iniciación á informática’.
