O Concello de Nigrán ten xa 400 adultos inscritos para participar na ‘IX Carreira Nocturna’ do 31 de maio e máis de 135 crianzas. O evento deportivo, que foi presentado este mediodía en Praia América coa presenza do alcalde e algúns dos seus concelleiros xunto a todos os patrocinadores, mantén aberto o prazo de inscrición ata o 29 de maio ou ata acadar as 600 prazas de adultos e 150 infantís. Como cada ano, a proba será nun percorrido 100% asfaltado, con saída e chegada no Campo das Redes, en pleno paseo de Praia América.
Esta cita imprescindible para os amantes do running ofrece dúas distancias, 5 e 10 quilómetros, a absoluta dará comezo ás 21:30 horas e está aberta a maiores de 14 anos, e desde as 20:30 horas celebraranse carreiras infantís gratuítas para nenos de 3 a 14 anos, fomentando así a participación familiar e o deporte base. As inscricións, con prezos entre 12,50 € e 15,50 €, están abertas na web oficial https://www.nocturnanigran.com/
