Teatro Atlántida de Matamá presenta esta obra de teatro cómica de sketches con pezas de Tomás Afán, Alejandro Jodorowsky, Eugene Ionesco ou os Monty Python
O Concello de Nigrán retoma este sábado 3 de decembro o ciclo de Fegateatro coa obra ‘As impresentables’ de Atlántida de Matamá ás 20:00 horas no Auditorio Municipal. Unha directora un pouco antipática empeñada en sacar adiante unha obra despois da pandemia, unha becaria que é explotada e un elenco…Do máis impresentable. Con intermedios publicitarios e escenas do mais estrafalarias, “As Impresentables” tratará de facer rir ao público asistente. É unha obra de teatro cómica de sketches con pezas de Tomás Afán, Alejandro Jodorowsky, Eugene Ionesco ou os Monty Python. A entrada é de balde ata completar aforo.
O ciclo de teatro amador continúa o sábado 10 con Tiruleque Teatro coa función ‘Soutelo Enterprises’ e remata o 17 coa compañía ‘A Tequerreté Teatro’ representando ‘Confinad@s’.
Estas representacións forman parte do convenio de 7.000 € do Concello de Nigrán coa Federación Galega de Teatro Afeccionado baixo o título ‘Fegateatro Nigrán 2022’. Deste xeito, o Concello terá ofrecido ata o 17 de decembro dez obras de compañías de teatro amador de toda a comunidade.
