A alcaldesa Nava Castro e o tenente de alcaldesa Juan Carlos Carrera supervisan as obras de mellora das beirarrúas executadas con fondos propios.
O Concello de Ponteareas continúa avanzando na recuperación e mellora dos servizos públicos e as infraestruturas. Estas actuacións enmárcanse na estratexia do goberno local para poñer fin ao estado de abandono dos últimos anos e para impulsar unha vila máis accesible, segura e agradable.
Nestes intres desenvólvense traballos na avenida Castelao e na rúa segundo informa o tenente de alcaldesa e concelleiro de Vías e Obras, Juan Carlos Glez Carrera, “é fundamental realizar traballos de mantenemento de forma continuada para evitar situacións de deterioro que afecten á seguridade e ao benestar da veciñanza”.
Pola súa parter, a alcaldesa destacou que estas melloras reflicten o compromiso do goberno local “de darlle a Ponteareas o coidado que merece e avanzar ara unha cidade máis accesible, segura e ben coidada que convide ao paseo e ao desfrute dos espazos ao aires libre”.
O Concello continuará arranxando as beirarrúas do centro urbano priorizando aqueles puntos máis degradados ou prexudicados polo levantamento das plaquetas “porque constitúen un perigo para os peóns”. A este respecto a alcaldesa sinalou a importancia de deseñar dun xeito integral contando co asesoramento de expertos “evitando así intervencións mal deseñadas ou planificadas que en pouco tempo volvan ocasionar problemas”.
