Dentro da liña de acción de acondicionamento e mellora do entorno histórico de Salvaterra de Miño, ao que pronto se lle unirá a humanización das rúas internas e da praza da Oliva, e dentro do propio Plan de Acción polo Clima e a Enerxía Sostible aprobado por este Equipo de Goberno, este Concello leva a cabo a plantación de diversas árbores na praza do Castelo, dentro do Recinto Amurallado de Salvaterra de Miño
O espazo onde se actúa, a praza forte de Salvaterra, foi obxecto de intervención diversos proxectos, realizándose un control arqueolóxico de remoción de terras e un levantamento topográfico dos restos existentes, que nos permite na actualidade actuar baixo a rasante existente sen perigo de inferir nos restos arqueolóxicos que aí se atopan.
Con esta plantación de árbores autóctonos no interior do recinto preténdese mellorar a calidade ambiental do entorno, que a día de hoxe carece apenas de vexetación, e crear zonas de estancia e de reunión necesarias para unha mellor vivencia da fortaleza por parte dos seus residentes e visitantes.
Para esta actuación requiriuse informe previo e vinculante de Patrimonio.