O Concello de Salvaterra de Miño segue avanzando na súa estratexia de loita contra o cambio climático coa actualización do seu Plan de Acción para o Clima e a Enerxía Sostible (PACES). Este plan, iniciado tras a adhesión do municipio ao Pacto das Alcaldías o 25 de novembro de 2019, establece unha folla de ruta para a redución de emisións e a mellora da resiliencia climática do municipio.
Desde a presentación do primeiro PACES o 27 de novembro de 2020, Salvaterra de Miño comprometeuse a reducir polo menos nun 40% as súas emisións de CO₂ para o 2030, tomando como referencia o ano 2018. O Concello publicou o seu primeiro informe de seguimento en 2022 e agora, co segundo informe de avaliación, preséntanse os avances acadados e os retos futuros.
Redución de emisións e aposta polas enerxías renovables
O informe de seguimento do PACES destaca unha redución das emisións de CO₂ de 7.320 toneladas con respecto ao ano 2018, o que supón unha diminución do 16,37% das emisións totais do municipio. Isto equivale a unha redución media de 0,39 toneladas de CO₂ por habitante.
Este descenso nas emisións débese a medidas como a substitución progresiva das luminarias convencionais por tecnoloxía LED no alumeado público, a mellora da eficiencia enerxética nos edificios municipais e a promoción de instalacións fotovoltaicas.
Mobilidade sostible: unha prioridade municipal
A enquisa cidadá puxo de manifesto a necesidade de mellorar a mobilidade sostible no municipio, algo que ven realizando o Concello en colaboración directamente e en colaboración con outras administración
Novas accións en xestión de residuos e eficiencia hídrica
Outro dos puntos destacados no seguimento do PACES é a necesidade de reforzar a xestión sostible dos residuos e da auga, inversións que ven realizando o Concello na mellora do Ciclo Integral da auga e con futuras inversións
Praza da Constitución, nº1. Salvaterra de Miño. 36450 PONTEVEDRA Tlfs: 986 65 81 26 – 986 65 80 82 comunicacion@concellodesalvaterra.org
presentadas a diferentes organismos como o estado a través do PERTe con Ponteareas. O reforzo na recollida selectiva co punto limpo móbil que se desplaza a todas as parroquias do municipio.
Compromiso contra a pobreza enerxética
Un dos retos que segue en pé é a loita contra a pobreza enerxética. Segundo os datos das enquisas, un 16% das persoas entrevistadas afirmaron ter dificultades para pagar as súas facturas de enerxía nos últimos anos. O Concello ven reforzando as axudas sociais e a promoción do bono social enerxético, ademais de ofrecer campañas informativas para mellorar a eficiencia enerxética nos fogares máis vulnerables.
Salvaterra de Miño continúa no camiño da transición ecolóxica O Concello reafirma o seu compromiso cun modelo de desenvolvemento máis sostible, adaptando as accións do PACES ás necesidades da cidadanía e fomentando unha transición enerxética progresiva e eficiente. A actualización do plan pon de relevo tanto os avances acadados como os retos que seguen pendentes para os vindeiros anos.
A colaboración cidadá e a aplicación de políticas sostibles permitirán consolidar Salvaterra de Miño como un municipio máis resiliente e preparado para os desafíos ambientais do futuro.
