Home Pontevedra O Concello organiza un novo roteiro o domingo 25 de setembro para...

O Concello organiza un novo roteiro o domingo 25 de setembro para coñecer o patrimonio cultural e paisaxístico da contorna do Monte Buxel

- Anuncio -

Tres mámoas e un círculo lítico no roteiro paisaxístico de Redondela polo Monte Buxel

O roteiro (circular) é de balde e estará guiado por Xurxo Constela, arqueólogo redondelán. Non é necesaria a preinscrición, só aparecer ás 10:00 horas do domingo 25 de setembro na gasolineira de Amoedo, na Estrada PO-250.

O Concello de Redondela, a través da Concellería de Turismo que xestiona María Castro, organiza para este vindeiro domingo, 25 de setembro, o último dos roteiros que, dende o mes de marzo, desenvolve os últimos domingos de cada mes para dar a coñecer, á veciñanza e visitantes, a riqueza patrimonial do municipio. “Que a veciñanza coñeza o patrimonio histórico, cultural e paisaxístico de Redondela é o primeiro paso para a súa protección e conservación” asegurou hoxe a alcaldesa Digna Rivas.

Desta volta, e coa guía de Xurxo Constenla, arqueólogo de A Citania e museólogo do Meirande (Centro de Interpretación da Batalla de Rande), as e os participantes terán a oportunidade de coñecer o enclave arqueolóxico situado entre Redondela e Pazos de Borbén. Nesta localización atópanse tres mámoas, dous grupos de gravados rupestres, un xacemento de foxas da Idade de Bronce e un círculo lítico recentemente atopado. A distancia da ruta é de 7Km e non ten maior dificultade, está pensada para todos os públicos.

Para participar, non é precisa preinscrición algunha, só estar no lugar da saída (gasolineira de Amoedo, na Estrada PO-250) ás 10 horas. Para chegar dende Redondela: dirixirse a Pazos de Borbén pola Estrada PO-250; a uns 6Km dende o centro de Redondela, nun lugar chamado o Chan de Amoedo, onde se atopa unha gasolineira (marcada na palicación Google Maps como “Gasolineira Chan de Amoedo”).

A protección do patrimonio cultural, industrial e natural da contorna de Rande, zona incluída na Rede Natura 2000, “é un obxectivo irrenunciable para o Goberno redondelán”,así o afirma a alcaldesa Digna Riva.

Relacionadas

O CAAN da Deputación rescata en 48 horas dúas camadas cun total de 15...

0
Seis dos animais foron abandonados nunha caixa ante o Pavillón de Ponte Caldelas, mentres que os outros nove foron recollidos xunto coa súa nai...

A Deputación dá un novo paso na mellora da seguridade viaria peonil na EP-2601...

0
As obras do primeiro tramo, que saíran xa a licitación, serán financiadas de xeito íntegro pola institución provincial, que aportará case medio millón de...

A Deputación lanza a 8ª edición e Erasmus Plus con 65 novas prazas pra...

0
A Administración provincial tamén completa con 100.000€ outras 100 bolsas da UVigo para que o seu alumnado realice estadías no estranxeiro A Deputación de Pontevedra...

A Deputación reivindica na Illa de Medal o talento creativo feminino cun espectáculo poético...

0
A deputada María Ortega presentou xunto á autora o segundo libro da Colección Medal, a serie da editorial provincial escrita só por mulleres A Deputación...

Consternación en Cerdedo-Cotobade polo falecemento de Manuel Blanco, ex edil e ex presidente do...

0
• Cubela expresou as condolencias á familia en nome propio e da Corporación e destacou a súa bonhomía e o carácter de referente vital...

Comezan os traballos en Vila de Cruces por case 1 millón de euros, grazas...

0
• Taboada comproba o inicio das obras dun camiño peonil seguro ao instituto, ao Centro de Saúde e ao Tanatorio, ao que segue nos...

Publicacións Relacionadas