Home Pontevedra Caldas O goberno local de Valga obrigado a solicitar un novo préstamo de...

O goberno local de Valga obrigado a solicitar un novo préstamo de 653.000€ para poder pagar os 500.000€ pendentes do préstamo anterios

- Anuncio -

A Xunta de Galicia e Ministerio de Hacienda instan ó Concello de Valga a que “aprobe medidas estruturais de aumento de ingresos e redución de gastos que garantan o cumprimento do PMP”.

O goberno local de Valga remataba o 2022 solicitando un novo préstamo á Abanca. Esta vez por valor de 653.000 €, o importe límite para que a decisión non tivese que pasar polo pleno municipal.
Mediante decreto de alcaldía, foi aprobada a solicitude de concertar un novo préstamo. Son catro anos consecutivos nos que o goberno popular se ve obrigado a acudir a préstamos para poder rematar o ano. O primeiro foi a finais de 2019 por valor de 600.000 €, en 2020 solicitáronse 400.000 €, a finais do 2021 pedíronse prestados 700.000 €, e por último, antes de rematar o ano 2022 tramitouse o de 653.000 €.

Este ano a situación é máis complicada pois case a totalidade deste préstamo foi para pagar os aprox. 500.000 € que estaban sen amortizar dos 700.000 € solicitados no 2022. O goberno foi incapaz de cumprir as condicións de pago asumidas nese préstamo: o concello debía abonar no 2022 o 100% do préstamo, a razón de 35.000 € por mes (de xaneiro a xuño) e de 80.000 €/mes aprox. (de xullo a decembro).
Os 153.000 € restantes foron para pagos de facturas correntes, facturas pendentes de pago de provedores e servizos prestados ao concello por empresas privadas.

A nosa portavoz: “Esta deriva económica de acudir a préstamos bancarios para pagar préstamos anteriores demostra que a mala situación económica municipal non é algo puntual, levamos catro anos nos que a débeda municipal aumenta, nos que os ingresos diminúen de xeito importante e o gasto está descontrolado. Un concello non pode recorrer a préstamos para pagar préstamos anteriores, esto está abocando ao concello a unha situación perigosa. E non só o di o PSOE, son varios os informes técnicos municipais nos últimos anos que advirten disto”.

Está claro que o goberno local fai oídos xordos ós informes económicos do interventor municipal que leva advertindo dende fai uns catro anos que a xestión económica local necesita medidas de corrección, advirte dende o 2019 nos seus informes anuais a necesidade de realizar un “Plan de Acción no que se determinen as medidas a adoptar para emendar as debilidades e as deficiencias, os erros e incumprimentos detectados. As contas municipais incumpren a estabilidade orzamentaria, a regra de gasto e o período medio de pago a provedores (PMP).”

A esto último tivo que responder o goberno local despois de recibir dous requirimentos formais. O primeiro da Xunta (a través da Dirección Xeral de Política Financeira) no que se requiría a toma de medidas para o cumprimento do PMP, actualización do plan de tesourería en canto a especificar os importes destinados cada mes ó pago a provedores; e posteriormente o Ministerio de Hacienda no que “insta á corporación local a que aprobe medidas estruturais de aumento de ingresos e redución de gastos que garantan o cumprimento do PMP”.

Relacionadas

Aprobadas as subvencións nominativas para asociacións deportivas, culturais e deportistas, para o exercicio 2023

0
O Concello de Salvaterra de Miño ven de aprobar na Sesión Plenaria deste pasado luns, a bolsa de subvencións nominativas para as distintas Asociacións...

Ponteareas presentou a súa Rede de Calor por Biomasa nunha xornada da Fundación Empresa...

0
Cristina Fernández foi convidada pola organización polo carácter pioneiro e innovador da Rede creada en Ponteareas A alcadesa de Ponteareas, Cristina Fernández, participou esta semana...

Redondela comeza o entroido o sábado coa primeira gran festa no Campo da Feira...

0
Redondela unha vez máis aposta por actividades para todaa a familiar. Dende os obradoiros para o más cativos e cativas ata o tributo a...

O Concello anima á veciñanza a “enredarse” co comercio local por San Valentín

0
O amor ten múltiples formas e se dalgo temos que estar namorados é do noso comercio local. Ese é o espírito da campaña de...

Aberto o prazo de inscrición na terceira edición das andainas medioambientais do Concello de...

0
A alcaldesa de Mos, Nidia Arévalo, e o concelleiro de Medio Ambiente Sostible, Leo Costas, informaron hoxe de que as persoas interesadas en participar...

O Concello de Ponteareas incrementa a súa colaboración coas comparsas para os tradicionais desfiles...

0
Terán lugar o domingo 19 ás 17.00 h e o martes 21 ás 19.00 h As asociacións ou colectivos interesados en participar poderán inscribirse dende...

Publicacións Relacionadas