Cando o BNG estaba na oposición dicía que “non é admisíbel destinar recursos económicos a cuestións menos importantes mentres que servizos básicos como o subministro de auga doméstico soportado pola veciñanza careza de calquera tipo de axuda ou subvención por parte do concello”
O Concello de Mondariz, a través dunha resolución da alcaldía, vén de baleirar a partida do
Orzamento Municipal de 2021 destinada a “Axudas para traídas veciñais”, que estaba dotada
de 5.000 €. O goberno municipal do BNG-PSOE decidiu destinar este importe a “levar a cabo a aprobación de facturas das áreas de gasto”, xa que a súa dotación “non vai ser usada”.
Cando o alcalde nacionalista estaba na oposición criticou de forma reiterada a Xoán C. Montes Bugarín e o seu equipo por non incluír nos orzamentos unha partida destinada ás traídas de auga veciñais. Naquela altura o BNG dicía que “hai que apoiar economicamente as traídas de augas veciñais, tanto polo aforro económico que o seu labor acarrexa aos usuarios e usuarias e ao propio concello, como tamén polo súa importante función na prestación de servizos dirixidos á fixación de poboación nas parroquias”.
Desenvolvemento rural
Outro tanto acontece cos 5.000 € que o goberno municipal destinou a desenvolvemento rural, que o goberno municipal deixou sen utilizar no ano 2021, un importe que agora tamén vai ser destinado a aboar facturas. “Asumo liderar un goberno que priorice as necesidades e promova o desenvolvemento económico e o emprego” dicía o que agora é alcalde de Mondariz en 20192
.
Nese mesmo boletín, o daquela candidato comprometíase a “axudar a desenvolver unha
economía para xerar traballo e riqueza na localidade apoiando ao comercio, empresas e
autónomos”.
AporM, por medio do seu portavoz Xoán C. Montes Bugarín, quere manifestar a contradición
escandalosa na que incorre o BNG, “que di unha cousa cando está na oposición e fai o
contrario cando está no goberno. Cando o alcalde aprobou o orzamento de 2021 dixo que era un día histórico para Mondariz porque, por vez primeira, se creaban partidas económicas para as traídas de auga veciñais e para desenvolvemento rural. Un ano máis tarde sabemos que os nacionalistas de Mondariz, cando están no goberno, descartan facer aquilo que consideraban imprescindible e prioritario cando estaban na oposición”.