• “Se se confirma que se trata dunha agresión de carácter homófobo, estariamos #ante un feito gravísimo que merece unha resposta firme por parte das institucións”, sinalou Junco.
• “Pedimos colaboración a calquera persoa que presenciase os feitos ou poida achegar información relevante. A violencia non ten cabida en Pontevedra, e menos aínda cando está motivada por odio ou discriminación.”
O Grupo Municipal do Partido Popular ha solicitado formalmente ao Concello de Pontevedra toda a información dispoñible sobre os feitos ocorridos na madrugada do sábado 2 de agosto na rúa Benito Corbal, á altura do local Tropicana, onde, segundo diversas fontes, dous mozos serían agredidos verbal e fisicamente con insultos homófobos.
A concelleira do Partido Popular, Silvia Junco, presentou esta mañá un escrito, ao amparo do artigo 14 do Real Decreto 2568/1986, polo que se aproba o Regulamento de Organización, Funcionamento e Réxime Xurídico das Entidades Locais (ROF), solicitando informes, partes de actuación, intervencións policiais e calquera outro documento relacionado cos feitos, sempre dentro do marco legal vixente en materia de protección de datos persoais.
“Queremos esclarecer que ocorreu realmente esa noite. Se se confirma que se trata dunha agresión de carácter homófobo, estariamos #ante un feito gravísimo que merece unha resposta firme por parte das institucións”, sinalou Junco.
A edil popular fixo tamén un chamamento á cidadanía: “Pedimos colaboración a calquera persoa que presenciase os feitos ou poida achegar información relevante. A violencia non ten cabida en Pontevedra, e menos aínda cando está motivada por odio ou discriminación.”
Desde o Partido Popular de Pontevedra “condenamos calquera tipo de violencia e reafirmamos o noso compromiso na loita contra os delitos de odio e na defensa dos dereitos e liberdades fundamentais de todos os cidadáns, independentemente da súa orientación sexual ou identidade de xénero”.
