- O proxecto quere evitar a exclusión dos alumnos que non practicaban xogos con balón e garantir un espazo propio para outras alternativas de xogo
- Corren tempos de cambio en todo o que a educación refírese e os patios de moitos colexios están a repensarse para gañar protagonismo e, sobre todo, para garantir a inclusión de todo o alumnado. Neste proxecto de patios inclusivos está inmerso o CPI Curros Enríquez de Pazos de Borbén, que esta mañá recibiu a felicitación polo desenvolvemento do proxecto por parte da Delegada da Xunta de Galicia en Vigo, Marta Fernández-Tapias, o Xefe territorial de Educación en Pontevedra, César Pérez Ares, e o alcalde de Pazos de Borbén, Andrés Iglesias.
O obxectivo do proxecto de patios inclusivos é claro, que os escolares que non practican deportes con pelota durante o recreo dispoñan dun espazo propio con diferentes alternativas de xogo e lecer adaptadas ás súas preferencias. Así, durante os seus recreos os pequenos poden escoller opcións como o circuíto de educación viaria para bicicletas e karts con sinalización real proporcionada polo Concello, o campo de golf con 8 foxos (cada un co nome de cada parroquia do municipio), xogar á petanca, ao pingpong ou gozar da biblioteca exterior.
A iniciativa comezou a levar a cabo no inicio do curso pasado coa diferenciación das primeiras zonas inclusivas, pero tras a declaración de alarma, tivo que reformularse para adaptarse á nova normativa sanitaria. Neste momento xorde a idea de acondicionar unha zona para a petanca, un xogo tradicional en grupos reducidos que ademais permitía a fácil desinfección do material.
Desde o centro sinalan non se trata só de integración, senón tamén de educar no respecto, a igualdade e potenciar as habilidades sociais necesarias para aprender a convivir con quen elixe opcións diferentes ás propias, axudando así a mellorar o clima de convivencia no centro educativo e na contorna social dos alumnos.
O alcalde de Pazos de Borbén, Andrés Iglesias, felicitou á dirección do centro polo traballo realizado e fixo extensivo este agradecemento ao ANPA pola súa doazón de equipamento como os xogos de petanca, os karts e a mesa de pingpong. “O meu máis sincero parabén a todos os responsables do proxecto polo seu traballo. Grazas a eles os pequenos poden aprender a relacionarse cos demais, a convivir, comprender e compartir, nun espazo común. Iniciativas como esta axudan a ter unha sociedade máis respectuosa e igualitaria”, finalizou o rexedor.
O Patio Inclusivo do CPI Curros Enríquez garante espazo para o deporte, a lectura e o xogo tradicional
- Anuncio -
Relacionadas
O concello inagura as mostras do concurso ‘Talento Xove’ cunha exposición no Museo Municipal
• Máis de 300 mozos e mozas participaron neste certame multidisciplinar• Os premios, outorgados por un xurado profesional, entregaranse o próximo 18 de maio
O...
Tomiño comezou a renovación de 2.000 luminarias públicas que suporán un aforro enerxético do...
O Concello investirá case un millón de euros nesta iniciativa, que forma parte dos proxectos financiados con fondos europeos que permitirán seguir transformando o...
A deputada de Infraestruturas Públicas, Isabel Couselo, reúnese con responsables da Asociación de Produtores...
A deputada de Infraestruturas Públicas, Mobilidade e Contratación, Isabel Couselo, mantivo unha xuntanza con responsables da Asociación de Produtores e Distribuidores de Enerxía de...
O PP négase a informar ao Parlamento sobre un novo concerto co Ribera-Povisa e...
Montserrat Prado denuncia a “total opacidade” do Goberno galego sobre o conxunto de recursos públicos que recibe este centro privado de Vigo
O PP vetou...
Trece rutas percorrerán a natureza tudense entre abril e xuño
Comezan esta fin de semana cunha Ruta Ornitolóxica pola beira do Miño
Descubrir o patrimonio natural de Tui é o obxectivo das trece rutas de...
Soutomaior intensifica a limpeza de camiños e estradas nos barrios do concello
O concello de Soutomaior avanza na limpeza de camiños e beirarrúas do concello. Nas vindeiras semanas uniranse 9 operarios máis a este operativo que...