Home Pontevedra A Paradanta O pleno da Corporación de Covelo aproba a recepción do conxunto abacial...

O pleno da Corporación de Covelo aproba a recepción do conxunto abacial de San Martiño de Barcia de Mera

- Anuncio -

Covelo rehabilitará o conxunto abacial e xestionarao ao longo dos vindeiros cincuenta anos

O pleno do Concello de Covelo aprobou a recepción da cesión do pazo abacial, casa de obra, alpendre e hórreo do conxunto parroquial de San Martiño de Barcia de Mera.

Así, o pleno deu luz verde á proposta do goberno de recepcionar a cesión temporal e gratuíta do pazo abacial de San Martiño para a súa rehabilitación. Ao longo dos vindeiros 50 anos o Concello de Covelo xestionará esta importante obra do patrimonio arquitectónico e cultural, podendo despois prorrogalo baixo acordo do Concello e da Diócese de Tui-Vigo. Co obxectivo de restaurala e pola en valor, o Concello de Covelo recepciona este ben histórico que considera de interese público.

“Este conxunto arquitectónico atrae a curiosidade de viaxeiros e viaxeiras que se achegan ao noso concello só para coñecelo e cremos que é importante que recupere o seu esplendor para o goce non só da cidadanía, tamén dos e das visitantes e en especial para o desfrute da veciñanza de Barcia de Mera ”, sinala o alcalde, Pablo Castillo.

Nas vindeiras semanas Castillo desprazarase a Santiago de Compostela para reunirse coa Consellería de Cultura, Educación, Formación Profesional e Universidades, e comezar as xestións administrativas para a redacción do proxecto de rehabilitación. O proceso acompañarase da tramitación das correspondentes autorizacións e licencias que permitan a intervención.

O Concello proxecta para este conxunto barroco a prestación de servizos socio-culturais públicos, entre outros posibles usos, que beneficien á cidadanía, que promovan o coñecemento do pazo abacial e, en definitiva, que lle dean vida e sexa para o desfrute de todas e todos dende “o respecto a esta xoia do pasado que chegou ata os nosos días sen perder o seu valor e beleza”.

Pablo Castillo suliña que a cesión do Pazo posibilitará un amplo e rico espazo no que ofrecer actividades culturais, con prioridade para as iniciativas da parroquia de Barcia de Mera.

Por último, quere agradecer a boa disposición do bispado e de D. Rafael, sacerdote da parroquia, por aceptar as condicións da cesión e poder destinalo ao uso público da parroquia de Barcia de Mera.

Relacionadas

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Aprazado para o sábado 6 e domingo 7 o III Encontro de Viños da...

0
Mantéñense as actividades paralelas no edificio da praza da Inmaculada Debido á adversa previsión do tempo para  a fin de semana o III Encontro de...

Actividade de Fotografía e Natureza aprazada

0
A actividade de Fotografía e Natureza programada para o día 30 queda aprazada pola chuvia ata novo aviso.

Publicacións Relacionadas