Home O Morrazo Bueu O pleno de Bueu aproba inicialmente os Orzamentos Xerais do ano 2021

O pleno de Bueu aproba inicialmente os Orzamentos Xerais do ano 2021

- Anuncio -

• A proposta saíu adiante cos votos favorables do grupo de goberno, conformado por BNG e ACB, e en contra do PP

• O orzamento supera os seis millóns de euros tanto na parte de gastos como na de ingresos

A corporación municipal de Bueu celebrou este martes pola mañá unha sesión plenaria extraordinaria na que se aprobaron inicialmente os Orzamentos Xerais do Concello correspondentes ao ano 2021, unha proposta que contou cos votos a favor do grupo de goberno (BNG e ACB), en contra do PP e a ausencia do PSOE.

Félix Juncal, alcalde da vila, salientou que “estes son os primeiros orzamentos que se aproban sen débeda financeira, o que demostra que o traballo progresivo que levamos a cabo nos últimos anos permita avances nun modelo de Concello do que nos sentimos orgullosos e orgullosas”. Elena Estévez, voceira do PP, recriminoulle ao goberno local que “un documento tan importante se traia xusto cando está a piques de rematar o ano, o que demostra falta de previsión”, contra o que Juncal apuntou que se trata dunhas contas realistas e axustadas á situación que estamos a vivir. A iso habería que sumar que “nos últimos tempos, e cada vez máis, os concellos temos que asumir servizos e obras que lle corresponden á Xunta de Galicia, como son os servizos sociais, as obras nos centros educativos ou no Centro de Saúde, e todo o que supuxo a pandemia”.

O orzamento ascende a 6.575.000 € no capítulo de gastos, e 6.623.301 € na parte de ingresos. Así, nos gastos inclúense persoal, compras correntes de bens e servizos, intereses, transferencias correntes, investimentos reais, transferencias de capital, pasivos financeiros, e amortización de préstamos. Mentres, na parte de ingresos atópanse diversos impostos e taxas municipais, así como subvencións doutras administracións como a Xunta de Galicia ou a Deputación de Pontevedra. Polo tanto, e segundo remarcou o alcalde, “estes orzamentos son bos e os necesarios para Bueu, pois reflicten un incremento das políticas sociais para a cidadanía”.

Por outra banda, este pleno tamén serviu para aprobar a conta xeral do ano 2020 e os festivos locais do próximo ano que, como vén sendo habitual, serán o 16 de xullo, festividade do Carme, e o 11 de novembro, coincidindo con San Martiño.

Relacionadas

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Aprazado para o sábado 6 e domingo 7 o III Encontro de Viños da...

0
Mantéñense as actividades paralelas no edificio da praza da Inmaculada Debido á adversa previsión do tempo para  a fin de semana o III Encontro de...

Actividade de Fotografía e Natureza aprazada

0
A actividade de Fotografía e Natureza programada para o día 30 queda aprazada pola chuvia ata novo aviso.

Publicacións Relacionadas