• Recollerá a acta Salvador Pereira Pena.
O voceiro do Partido Popular de Cuntis, Manuel Vázquez, presentou a súa renuncia á acta de concelleiro na corporación municipal por motivos profesionais. A renuncia será efectiva no pleno que se celebra este xoves. Salvador Pereira Pena, número 4 na candidatura dos populares, tomará posesión na seguinte sesión plenaria, que no caso de Cuntis se celebra cada dous meses. A voceira do grupo municipal do PP será Isabel Couselo.
Salvador Pereira Pena, de 48 anos, é enxeñeiro técnico agrícola. Xa foi concelleiro en Cuntis entre os anos 2007 e 2015, os últimos catro formando parte do Goberno local.