O Partido Popular de Pontevedra condena os ataques e as agresións que estes días sufriron os alcaldes de Vilanova de Arousa, o popular Gonzalo Durán, e da Illa de Arousa, o socialista Carlos Iglesias.
Desde o PP provincial, apuntan que estas agresións son intolerables, a violencia nunca é o camiño, nin é xustificable nin tampouco unha forma de manifestar discrepancias. E amosan o máximo respaldo aos rexedores, xa que todas as persoas que desenvolven cargos públicos tratando de facer o mellor para o seu concello merecen o noso respecto.
