- Cubela recorda que é un servizo de competencia local, dos concellos e das deputacións, no que o Goberno galego inviste 6,3 millóns de euros anuais.
- Sobre o subGES do Grove, “se ao Goberno provincial lle resulta insuficiente, ten a posibilidade de cumprir coas súas competencias e destinar máis fondos”.
O Partido Popular critica o rexeitamento da Deputación de Pontevedra á proposta que plantexou a Xunta respecto á mellora dos Grupos de Emerxencias Supramunicipais (GES), que pasaba por ampliar o número de compoñentes a doce e actualizar os seus soldos. O voceiro Jorge Cubela recorda que “este é un servizo de competencia exclusivamente local, é dicir, que ten que ser financiado por concellos e deputacións, e a pesar diso o Goberno galego está colaborando co seu financiamento e con esta proposta investirá ao ano 6,3 millóns de euros”. Por iso, pide ao Goberno provincial “que deixe de confrontar e dar escusas e ofreza solucións, que é o que queren os cidadáns”.
Por iso, Cubela lamenta “a actitude de confrontación e falta de colaboración” do Goberno socialista da Deputación, “que volve a antepoñer os seus intereses partidistas aos dos concellos desta provincia”. Por iso, subliña que “é momento de que a Deputación asuma as súas competencias en materia de emerxencias e de apoio aos pequenos e medianos concellos… Sempre falan doutras administracións, pero se esquecen de que non está cumprindo con moitas das competencias desta institución”.
SUBGES O GROVE
Con respecto ao subGES do Grove, Cubela recorda que “é o único concello da provincia que, a pesar de que está cuberto por outros dous servizos de emerxencias nas isocronas de 10 e 20 minutos respectivamente, ten un grupo de emerxencias, que se xustifica polo feito de que xa contaba cun servizo municipal e que é importante para dar resposta ao incremento significativo de poboación durante os meses de verán.
Con todo, sinala o popular, dado que a competencia de emerxencias é dos concellos e da Deputación, “si consideran que é un servizo insuficiente, o Goberno de Carmela Silva ten a posibilidade de destinar máis fondos provinciais”. Así, recorda que coa proposta do Goberno galego, a Xunta duplicará en 2022 os recursos que destinou este ano para O Grove, e que supoñen un 13% máis do que aporta a Deputación de Pontevedra.
