• Silvia Junco, sobre o incumprimento de renovar as obras no primeiro trimestre de 2025: “O BNG volve incumprir a súa palabra e o edificio continúa sen o ascensor prometido para garantir a accesibilidade universal”
• Os populares non cejarán no empeño ata conseguir unha imaxe renovada do Teatro Principal, que sirva de escaparate para albergar todos os eventos culturais que acolle o edificio asiduamente
O Partido Popular de Pontevedra volveu a visitar o Teatro Principal para denunciar o estado “deplorable” das instalacións municipais, despois de que o goberno local de Miguel Anxo Fernández Lores destinase preto de 440.000 euros á reforma do edificio no ano 2022.
A concelleira do PP Silvia Junco lembrou que as obras quedaron sen terminar pola quebra da empresa adxudicataria, e que dous anos despois, en outubro de 2024, o Concello de Pontevedra comprometeuse a renovar os traballos con outros 280.000 euros de investimento, antes de que finalizase o primeiro trimestre de 2025. “O BNG volveu a incumprir a súa palabra e vémonos na obrigación de criticar que o Teatro Principal segue con butacas rotas, aseos inutilizables, humidades polas paredes, chan levantado e sen o ascensor prometido para garantir a accesibilidade universal á planta superior”, describiu tras inspeccionar as instalacións do edificio este xoves.
O partido liderado por Rafa Domínguez non cejará no empeño ata conseguir un Teatro Principal accesible para todas as persoas, coa substitución do mobiliario danado e a incorporación dos estándares de calidade que se esixen a unha instalación municipal que “está obsoleta, sen ningún tipo de mantemento, a pesar de ser un dos escaparates municipais da cidade, no que se acollen eventos culturais de forma continuada ao longo do ano”.
Junco considera que o BNG ten o malo costume de anunciar as mesmas obras de forma reiterada, como sucede co Teatro Principal ou o pavillón da Parda, “pero é incapaz de cumprir os prazos que eles mesmos márcanse, porque están máis preocupados por outros temas alleos á xestión municipal, que por gobernar esta cidade con só nove concelleiros de 25”.
Neste sentido, a edil popular ha pechado a súa intervención pedindo responsabilidade política ao goberno minoritario para revivir o Teatro Principal e ofrecer unha imaxe renovada despois de que pasasen 38 anos desde a súa reconstrución.
