- Bea Rey advirte dun “problema serio de abandono que afecta aos pontevedreses, especialmente para as persoas maiores, con mobilidade reducida ou con discapacidade visual, que precisan destes elementos para desprazarse con seguridade”
A concelleira do Partido Popular de Pontevedra Beatriz Rey denunciou este domingo o alarmante deterioro dos semáforos da cidade, instalados polo Concello, e advertiu do risco que esta situación supón para a seguridade viaria.
A edil do PP de Pontevedra explicou que “cada día é máis evidente o estado de abandono dos semáforos en Pontevedra con botoneiras rotas e en mal estado, dispositivos apagados durante xornadas enteiras e a ausencia total de sinalización acústica, despois de que o único semáforo deste tipo, situado en Uxío Novoneira, deixase de funcionar”.
Rey advertiu de que esta situación “é un problema serio de seguridade para todos os pontevedreses, especialmente para as persoas maiores, con mobilidade reducidad ou con discapacidade visual, que precisan destes elementos para desprazarse con seguridade”.
Así mesmo, lembrou que o orzamento do Concello de Pontevedra destinado á mellora e mantemento dos semáforos aumentou sustancialmente no último exercicio: “En 2024 reserváronse 121.000 euros na partida orzamentaria e en 2025 a cifra ascendeu a 1750.000 euros, é decir, 50.000 euros máis. Resulta lexítimo preguntarse onde está ese investimento e por que a situación é cada vez peor”, cuestionou ao goberno local do BNG.
Desde o grupo municipal popular reclamouse explicacións claras e actuacións inmediatas por parte do Concello de Pontevedra: “Non se pode permitir que a cidade continúe sumida neste abandono tan evidente por parte do alcalde Lores e os seus oito concelleiros. A seguridade dos veciños debe ser unha prioridade real”, concluíu a edil popular.
