Home Pontevedra Caldas O PP denuncia que a conta xeral de 2020 desvela que o...

O PP denuncia que a conta xeral de 2020 desvela que o Concello de Cuntis ten débedas por máis de un millón de euros

- Anuncio -

• Hai case 800.000 euros de facturas gardadas no caixón desde hai cinco anos.

• En 2020 superou os 225 días no pago a proveedores, cando a obriga legal está en menos de 30 días.

• Amosan preocupación porque se poidan perder subvencións, parte dos tributos do Estado ou se impoñan sancións por non presentar aínda a documentación ao Tribunal de Contas.

O Partido Popular de Cuntis denuncia “as grandes débedas e os resultados económicos tan negativos” que presenta o Concello e que se recollen na Conta Xeral de 2020, que se debateu no último pleno municipal.

Segundo a voceira popular, Isabel Couselo, o alcalde non deu ningunha explicación durante o pleno, “pois so cabería que recoñecese a súa mala xestión económica ao fronte do Concello”. O que si fixo, sinala, “foi rirse e interromper a miña intervención, coa única finalidade de desviar a atención sobre os datos que se estaban poñendo enriba da mesa. Igual é que lle resultan graciosas as enormes débedas que presenta o noso concello”.

Recorda a popular que o Concello de Cuntis, que ten aproximadamente 3,5 millóns de euros de orzamento, presentou un remanente de tesouraría negativo de máis de 1 millón de euros en 2020, dos cales case 800.000 euros son facturas que seguen gardadas no caixón sen pagar, algunhas desde hai cinco anos. A esta cantidade, sinala, hai que engadir as débedas que se puideron adquirir durante este 2021, e que se coñecerán na conta xeral deste ano. “Son centos de traballos e encargos de empresas e autónomos, moitos deles locais, que levan máis de catro anos esperando a cobrar polos traballos que si fixeron”.

Para os populares, “demóstrase así a total despreocupación do grupo socialista por quen si prestaron os seus servizos e si cumpriron co noso concello; e ademais queda constatado o comportamento neglixente deste grupo de Goberno pois todos eses traballos encargáronse con irregularidades de contratación”.

Outro dato que pon de manifesto a mala xestión do Goberno local é que incumpre “con creces” o prazo de pago a provedores, superando os 225 días no ano 2020, cando a obriga legal está en menos de 30 días.

O PP tamén destacou que máis doutro millón de euros dos ingresos do 2020 gastouse coas mesmas irregularidades, perfectamente detalladas en informes municipais. E resaltan que Informes de Intervención recoñecen que o Concello ten serias dificultades para afrontar o pago desas débedas e o resto de compromisos a curto prazo.

Por último, o PP preguntou no pleno cando e como se van a pagar esas débedas: con novos créditos, con subidas de impostos ós veciños, ou simplemente seguirán sen pagar; cuestións para as que non tiveron resposta.

Ademais temen que por non presentar aínda a documentación ao Tribunal de Contas, esta situación derive en denegación de subvencións e axudas, non recibir parte dos tributos do Estado e imposición de multas e sancións ao concello. “Todo por unha absoluta deixadez de funcións do grupo socialista”, conclúe.

Relacionadas

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Aprazado para o sábado 6 e domingo 7 o III Encontro de Viños da...

0
Mantéñense as actividades paralelas no edificio da praza da Inmaculada Debido á adversa previsión do tempo para  a fin de semana o III Encontro de...

Actividade de Fotografía e Natureza aprazada

0
A actividade de Fotografía e Natureza programada para o día 30 queda aprazada pola chuvia ata novo aviso.

Publicacións Relacionadas