• O presidente do Partido Popular de Pontevedra, Rafa Domínguez, e a vicesecretaria de Igualdade e Benestar Social do PP de Pontevedra, Silvia Xunco, serán os encargados de presentar o relatorio sobre a materia
• O coloquio contará con José Ángel Ruibal, exinspector principal de Policía Local, responsable do grupo de protección de vítimas de violencia de xénero desde o 2006, criminólogo e axente de igualdade
O Partido Popular de Pontevedra organiza chárlaa “Prevención da Violencia de Xénero e protección policial das vítimas” con motivo do 25 de novembro, Día Internacional da Eliminación da Violencia contra a Muller. Será o vindeiro martes 22 de novembro ás 20:00 horas, na Sede Provincial do PP de Pontevedra, avenida de Raíña Vitoria nº9, 1º, e será de libre acceso.
O coloquio contará con José Ángel Ruibal, exinspector principal de Policía Local, responsable do grupo de protección de vítimas de violencia de xénero desde o 2006, criminólogo e axente de igualdade. Ademais, é profesor colaborador da Academia Galega de Seguridade Pública nas materias de violencia de xénero e doméstica.
Este relatorio encádrase nunha serie de actividades formativas que ofrecerá o Partido Popular da cidade, que se irán publicando nos próximos días. Ademais, cabe lembrar a petición dos populares para a creación de percorridos seguros, unha estratexia urbana para achegar maior seguridade ás mulleres en determinadas horas e espazos da cidade.
