Os populares esixen a posta en marcha dunha fronte común para solicitar o investimento comprometido e convocar un gran movemento social para esixir a execución desta obra.
“O BNG ten que presionar ao seu socio de goberno (PSOE) para que se comprometa con estas melloras de forma urxente. Non é de recibo que estean a priorizar interéselos partidistas aos intereses xerais dos veciños”.
“Se o BNG quere pode presionar ata o punto de romper o Goberno co PSOE. Pero supoñemos que iso non lles interesa e que van aceptar calquera negociación aínda que supoña fallar aos veciños e á Plataforma”.
O Grupo Municipal do PP decidiu presentar unha moción ao pleno para esixir ao Goberno Central que inclúa nos orzamentos xerais do Estado as partidas que lle corresponden a Ponteareas para a mellora da N-120 e construción da variante.
“Fai menos dunha semana que se rexistrou un accidente mortal na N-120. Cantas vítimas máis imos ter que ver á espera de que cheguen estas melloras? O Bipartito non tivo o suficiente peso político como para conseguir o que lle corresponde a Ponteareas. O BNG debería presionar ao seu socio de Goberno (PSOE) e senón desvincularse del, xa que isto, é un novo atraso e demostra que a N-120 e a variante deixaron de ser unha prioridade para o Goberno central”.
Ademais, os populares esixen actuar con firmeza tanto no discurso como nas mobilizacións que deberían convocarse xa con urxencia. “Se oBipartito non toma cartas nesteasunto, falaremos coa plataforma de afectados para convocar unha granmobilización”.