O Partido Popular de Vilaboa valora de maneira positiva a solución proposta desde a consellería de infraestruturas e mobilidade para a PO-264 ao seu paso por Vilaboa.
O Partido Popular considera que a transferencia do tramo da PO-264 ao concello permite que “adaptemos a xestión da mesma á verdadeira función que cumpre e que é local e así dar resposta á preocupación pola seguridade dos veciños ”. Ademais, apuntan que é algo positivo e agradecen a predisposición da Consellería para achegar solucións que beneficiarían aos veciños a curto prazo.
“Que ese tramo pase a ser competencia municipal, permitiranos adaptar todas as políticas necesarias ao seu uso real e dese modo, coñecendo de primeira man as súas necesidades, poder atallalas dunha maneira áxil” declaran os concelleiros populares. A transferencia é un recurso que o concello usa con outras da deputación, para realizar sendas. Esta uniríase a elas.
Ademais, sinalan que a Xunta sempre cumpre con Vilaboa e proba diso son os investimentos que hai no concello; como os máis de 2M que a Xunta investiu xa, só en apoiar ao concello na xestión da auga.
Tamén apuntan o investimento que se fará de 720.000 na mellora do sistema de depuración
Indican que de novo, “César Poza tentou buscar un titular desde a mentira e atopou os datos de todos os investimentos que a Xunta fai no noso concello” tamén finalizan agradecendo que na reunión entre a consellera e o alcalde de Vilaboa “polo menos a consellera si teña verdadeiro interese en que Vilaboa vaia a melor”.