A día 27 de xuño vimos de celebrar o pleno extraordinario de organización co cal dá por comezada a nova lexislatura en Meis.
Un dos puntos da orde do día era a retribución da alcaldesa e as concelleiras pasando o soldo dos 43.407,17 euros da lexislatura anterior aos 69.850 euros da lexislatura actual.
Dita subida supón un gasto en soldos (sen sumar os gastos a maiores desta decisión tales como as alta no rexime da seguridade social) de máis dun 60% con respecto á lexislatura anterior; 26.443 euros máis.
Fai 4 anos o BNG asinou un contrato para darlle a alcaldía ao PSOE deixando moi claro que só se poderían percibir 43.407,17 euros de soldo en total, negándose o BNG a percibir ningún tipo de soldo. Nada máis obter a maioría, e incumprindo a austeridade prometida na campaña, se suben o soldo máis dun 60%.
Esperemos que o gasto non teña que ser compensado no futuro con subidas das taxas á veciñanza, outro punto innegociable para o BNG que quedou plasmado no acordo da lexislatura anterior e que obrigamos a cumprir.
