O conxunto de David Ferreiro imponse a domicilio cun gol de Nerea
O Sárdoma de Vigo logrou a súa primeira vitoria da tempada en Lezama, no seu enfrontamento #ante o Athletic Club C, correspondente á terceira xornada da 2ª RFEF.
O conxunto de David Ferreiro mostrou a súa mellor versión despois do parón da liga e sumou a súa primeira vitoria na súa visita a Bilbao, nun partido no que foi Nerea Cruz a encargada de anotar o tanto sardomista no minuto 41 de partido.
O técnico do Sárdoma de Vigo valorou de forma positiva este primeiro triunfo do seu equipo: “Tres puntos crave, gañar ese o reforzo máis importante no fútbol e isto dános confianza para seguir crendo en nós e no noso traballo”.
“Realizamos un partido moi serio”, prosegue, á vez que destaca “a maneira en que defendemos a segunda parte”. “Xeráronnos moi pouco, defendendo en bloque baixo, estivemos moi unidas e creo que esa foi a clave da nosa vitoria”.
Grazas a este triunfo o Sárdoma de Vigo é oitavo na táboa, con catro puntos, froito da súa vitoria de hoxe e o seu empate (1-1) na primeira xornada ante o Zaragoza CFF.
A próxima xornada, prevista para o 9 de outubro, o Sárdoma recibe en As Relfas ao Racing Mulleres, partido onde as sardomistas tratarán de inaugurar a súa conta de vitorias en casa.
