O Concello de Salvaterra de Miño ten en marcha o Servizo de Orientación Laboral, a través da subvención a entidades para a contratación de persoal técnico de orientación laboral da Xunta de Galicia, dende o mes de outubro do 2020.
Só durante o ano 2022 atendéronse preto de 500 usuari@s do Servizo de Orientación da Oficina de Emprego, prestando un servizo de diagnose individualizada e elaboración do perfil ocupacional, deseño de itinerarios personalizados para o emprego, acompañamento personalizado, deseño e planificación de acción, elaboración de CV, emprego de ferramentas e recursos para a búsqueda de emprego, asesoramento, etc.
Ao mesmo tempo, o Servizo de Orientación levou a cabo nestes meses 138 IPIs, dos cales aínda están abertos 22. Os IPIs son itinerarios personalizados de inserción onde se traballa individualmente durante 6 meses todos os aspectos da busca para que poidan atopar emprego, pero tamén para que sexan independentes nesa memsa busca e teñan todos os recursos ao remate do periodo; un traballo intenso e continuo que require un compromiso firme por parte do usuari@.
Dende este departamento xestiónase unha bolsa de emprego que conta con máis de 200 persoas e que neste ano atendeu 32 ofertas de emprego.
Ademais, por medio das Redes Sociais fanse publicación de ofertas de traballo, emprego e formación no noso territorio de influencia e colabórase cos CDLs da zona para cubrir ofertas e proporcionar máis opcións aos nosos veciños e veciñas.
