HomePontevedraObradoiros de Semana Santa en Redondela e Chapela

Obradoiros de Semana Santa en Redondela e Chapela

- Anuncio -spot_img
  • O Concello de Redondela ofrece obradoiros durante as vacacións escolares de Semana Santa para nenos e nenas de 3 a 12 anos, en horario de 9.00 a 14.00 horas. AS actividades son de balde e celebrararanse no Conservatorio Municipal de Redondela e no Multiúsos do Piñeiral do Crego de Chapela.

  • -A alcaldesa, Digna Rivas, sinala que estas actividades responden ao seu compromiso coas familias “poñendo en marcha iniciativas durante todo o ano cunha oferta didáctica e lúdica coa que cubrir as vacacións escolares da rapazada”.

O Concello organiza obradoiros de Semana Santa en Redondela e Chapela durante as vacacións escolares. As actividades, orientadas a nenos e nenas de entre 3 e 12 anos de idade, son gratuítas e desenvolveranse os días 14, 15, 16 e 21 de abril, en horario de 9.00 a 14.00 horas. En Redondela os obradoiros serán no Conservatorio Municipal (entrada por avda. Mendiño) e os de Chapela no Multiúsos do Piñeiral do Crego. A rapazada que participe poderá gozar con obradoiros de manualidades, xincanas, teatro, xogos co música, baile e outras sorpresas. Ademais de divertirse, nenos e nenas poderán aprender sobre o patrimonio cultural e natural, a diversidade, a igualdade e o traballo en equipo.
A alcaldesa, Digna Rivas, explica que esta iniciativa pretende ofrecer ás familias “un tempo de lecer educativo para nenos e nenas que lles permitan compartir tempo con toda a rapazada e aprender de xeito lúdico, cunhas horas de ocio de calidade durante as vacacións de Semana Santa”. A rexedora sinala que estas actividades responden ao seu compromiso coas familias “poñendo en marcha iniciativas durante todo o ano cunha oferta didáctica e lúdica coa que cubrir as vacacións escolares da rapazada”.
As actividades son de balde, con prazas limitadas que se adxudicarán por orde de inscrición. A inscrición pode facerse a partir do 1 de abril no Multiúsos da Xunqueira, no caso dos obradoiros en Redondela, e no Multiúsos do Piñeiral para os obradoiros en Chapela, ata completar aforo. Pode facerse de xeito presencial nos propios centros, ou a través dos teléfonos 986 402 865 en Redondela e do 986 451 280 en Chapela.

Publicacións Relacionadas