Operarios municipais realizan labores de limpeza e mantemento na ETAP de Cerdedo para garantir o seu funcionamento tras os últimos temporais

Tamén se efectuaron limpezas en taxeas, cunetas, o peche da pista polideportiva e arranxos e pintado de paredes do colexio
O perarios municipais do Concello de CerdedoCotobade levaron a cabo nestes días labores de limpeza e mantemento nos mananciais que abastecen á Estación de Tratamento de Auga Potable (ETAP) de Cerdedo que estaban atorados por mor dos arrastres e aportesforestais derivados das intensas choivas e tempestades sufridas no municipio nos pasados días.
A principal preocupación dos operarios municipais estaba en limpar canto antes os mananciais e as captacións de auga que permiten abastecer a ETAP de Cerdedo que garante o subministro do líquido elemento aos residentes na vila. Ademais, os traballos dos últimos días tamén se centraron na limpeza e desentullo de taxeas e cunetas de varios viais municipais para mellorar a seguridade viaria así como facilitar o tránsito das pluviais nos diversos trazados dos camiños de titularidade municipal.
Ademais os operarios realizaron diversos labores de mantemento e reparación do talude da pista polideportiva de Cerdedo que provocara diversos danos na rede de peche perimetral polos desprendementos de terra sufridos.
Finalmente, e aproveitando este pequeno parón lectivo, os operarios municipais acometeron varios traballados de mantemento no colexio así como o pintado de varias paredes do centro educativo que precisaban dunha intervención neste sentido.
O alcalde, Jorge Cubela, agradeceu a profesionalidade e a entrega no seu traballo aos operarios municipais e puxo en valor as funcións que realizan para garantir moitos servizos dos que disfruta a veciñanza e que sin o concurso destes operarios sería imposible de manter en condicións axeitada para que os veciños e veciñas poidan dispoñer deles.