test
Home A Coruña Os 30 barcos do III Roteiro Rías Baixas Isonor chegan mañá venres...

Os 30 barcos do III Roteiro Rías Baixas Isonor chegan mañá venres pola tarde a Portosín

- Anuncio -

Procedentes de Baiona, arribarán ás 18:00 horas tras unha peregrinación marítima que transcorreu por Combarro, A Toja, A Pobra do Caramiñal e Muros

A expedición fará o sábado a pé o último tramo a Santiago de Compostela, partindo desde Bertamiráns (Ames)

Trinta barcos participan nunha peregrinación marítima desde Baiona ata Santiago de Compostela a través do III Roteiro Rías Baixas Isonor. As embarcacións, que partiron o luns de Baiona, chegarán mañá venres, ao redor das 18:00 horas, ao porto de Portosín.

Deste xeito, acumularán máis de 120 millas de navegación, nas que selaron a súa credencial do peregrino en cada porto. Por tanto, para obter a desexada Compostela, só lles restará completar a pé un último tramo do Camiño a Santiago pola Ría de Muros Noia. Unha camiñada que acometerán o sábado 8 de xullo pola mañá, partindo desde Bertamiráns (Ames).

José Antonio Marcote, responsable de comunicación do Xeodestino Ría de Muros Noia e que será o encargado de recibir aos peregrinos á súa chegada, asegura que “é un pracer comprobar como este Roteiro converteuse nunha realidade que xa é imparable. Encaixa perfectamente coa idea de como entendemos nós nosa ría, a nosa promoción e o noso traballo”.

III Roteiro Rías Baixas Isonor

A Roteiro Rías Baixas Isonor é unha travesía nada hai dous anos e que se converteu nunha máis dos diferentes roteiros que conforman o Camiño de Santiago. Está organizada polo Monte Real Club de Iates, o Real Club Náutico de Portosín e o Xeodestino Ría de Muros Noia. O seu obxectivo é divulgar a cultura mariñeira, promover o turismo náutico, impulsar o deporte da vela e dar a coñecer as potencialidades dos nosos portos.

Nesta terceira edición participan un total de 30 barcos con medio centenar de persoas, chegando de novo ao límite establecido pola organización para ofrecer a mellor experiencia durante a travesía, así como tamén nos diferentes portos nos que recalou a frota. A peregrinación partiu o luns 3 de xullo de Baiona rumbo a Combarro. Despois pasaron pola Toja, Pobra do Caramiñal e hoxe xoves por Muros, chegando finalmente mañá venres a Portosín. A expedición leva tres embarcacións de seguimento e unha furgoneta por terra de organización e seguridade.

O presidente do RCN Portosín Jorge Arán, agradeceu formar parte deste proxecto: “Colaborar co Monte Real é unha honra e o fin deste proxecto é o de facilitar a navegación e a participación tamén a familias en zonas nas que quizais moita xente non está afeita navegar. Quero agradecer especialmente ao club o seu traballo para facilitar isto e tamén que veñan á ría de Muros e Noia, que sen dúbida ten moito que ofrecer”.

Relacionadas

O Concello renova o convenio nominativo coa Asociación Ecos do Sur para mellorar a...

0
A entidade recibirá 25.000 euros da área de Emprego para os seus programas de inserción laboral A alcaldesa, Inés Rey, e a presidenta da Asociación...

Máis de 160.000 persoas celebran o San Xoán nas praias e rúas da cidade

0
Os futbolistas do Dépor Lucas Pérez e Henar Muiña, con Carlos Ballesta, familiares de Luisa Villalta e Alenjandro Hernández do Básquet Coruña, acenderon a...

Arde un vehículo na urbanización Riotorto, na parroquia de San Xoán, en Carballo

0
Os bombeiros do parque Comarcal Provincial de Carballo foron alertados hoxe, domingo 23 de xuño, ás 00:45 horas, dun vehículo ardendo na urbanización Riotorto,...

A Deputación concentra no Museo de Pontevedra a protagonistas do retorno dos restos de...

0
A xornada desenvolverase o venres 28 de xuño, coa participación de Tareixa Navaza, Javier Baltar, Henrique Monteagudo, Xan Carballa e Xosé Enrique Acuña A conmemoración...

A Deputación acolle ata o vindeiro venres no Pazo provincial a exposición “A Galicia...

0
A mostra, promovida pola Asociación de Periodistas de Galicia e o Colectivo de Fotoxornalistas de Galicia, recolle 73 fotografías, inéditas ou publicadas, realizadas por...

O Pico Sacro recupera a lendaria Cerimonia do Lume Sagrado tras 4 anos de...

0
O Pico Sacro foi este mediodía escenario da lendaria Cerimonia do Lume Sagrado, despois de catro anos de ausencia, primeiro pola pandemia e despois...

Publicacións Relacionadas