Os escolares de Pazos de Borbén visitan París

O Concello colaborá coa excursión afrontando o gasto da visita á Torre Eiffel
42 escolares de Pazos de Borbén gozaron esta semana dunhas merecidas vacacións na cidade de Paris. A iniciativa estaba organizada pola sección de francés do centro escolar e contou coa colaboración da concellería de Educación, que financiou a visita dos alumnos á torre Eiffel.
Durante a súa viaxe, os escolares realizaron varias visitas aos elementos turísticos máis tradicionais como o Palacio de Versalles e os seus recoñecidos xardíns, o museo de Louvre e o Arco do Triunfo. Do mesmo xeito, aproveitaron a visita para gozar das atraccións de Disneyland Paris, do parque de Astérix e Obélix e mesmo difrutar dun relaxante paseo en barco polo río Sena.
A edil de educación, Branca Míguez, destacou a importancia desta clase de viaxes escolares “nos que a educación, a cultura e a formación combínanse co lecer e as actividades recreativas. Desde o Concello sempre apoiamos esta clase de iniciativas porque sabemos que achegan un extra á educación dos mozos. Estou segura de que lembrarán esta viaxe cos seus compañeiros toda a vida”, finalizou a concelleira.