O presidente do PP de Pontevedra, Rafa Domínguez, acompañado por Pablo Fernández, reuniuse con representantes do Colexio de Arquitectos de Pontevedra: “A tramitación dunha novo PXOM debe ser unha prioridade”
Domínguez concede gran importancia á renovación do documento: “Non só regula a construción de edificios; é unha guía que proxecta como queremos que sexa a cidade, como serán os seus viais, onde se debe xerar chan industrial, etc.”
O presidente do Partido Popular de Pontevedra, Rafa Domínguez, acompañado do seu compañeiro Pablo Fernández, reuniuse este luns con representantes do Colexio de Arquitectos da cidade do Lérez para abordar, entre outros temas, a necesidade que ten a localidade de contar cun novo e actualizado Plan Xeral de Ordenación Urbana. “Traballar nunha novo PXOM debe ser unha prioridade para este Concello. Unha formulación urbanística actualizada é vital para o desenvolvemento de Pontevedra, pero Lores parece non estar interesado no crecemento da nosa urbe”, declarou Domínguez.
“Temos un documento que está caducado. É unha afirmación compartida cos profesionais do sector. Pontevedra non se merece un PXOM de hai 31 anos, que contempla as necesidades da cidade naquel entón e que nada teñen que ver coas que temos hoxe”, mantivo o presidente dos populares na reunión. A formulación urbanística da cidade, para Domínguez, debe adaptarse e ofrecer novas solucións aos problemas que se lle presentan a día de hoxe aos veciños.
“O Concello debe contribuír con esta actualización para resolver as necesidades urbanísticas da cidade, como, por exemplo, habilitar zonas de crecemento e controlar a ampliación da urbe, ou regular a construción de edificios. Outro punto que nos parece fundamental é que a través deste documento póidase crear chan industrial, básico para fomentar de emprego; ou medidas para fixar poboación nas nosas parroquias”, detallou o popular.
Outro dos apartados que se trataron na reunión é que a través é que o PXOM se contempla a creación e función dos viais da cidade: “É errático a formulación que leva a cabo o Concello de pechar parcial e completamente viarios na cidade, sen estudos que avalen que o corte é necesario, lóxico e cunha base técnica”.
“O Concello, e é unha demanda compartida co Colexio de Arquitectos, debe sacar do caixón a tramitación do PXOM”, aclarou Domínguez, que avanzou que este é un dos primeiros encontros para profundar nos detalles e as posturas de todos os afectados por “ter un Plan Xeral caducado”.
