• O equipo de goberno leva destinado a este tipo de investimentos máis dun millón de euros en financiar ou colaborar en 40 depósitos similares
Os veciños e veciñas de Aldea Grande e Aldea Pequena, de Loureiro, na parroquia de Figueroa, dispoñen xa do novo depósito de abastecemento de agua veciñal despois de que o Concello de Cerdedo-Cotobade destinara uns 28.000 euros para a súa construción.
Esta nova infraestrutura de abastecemento de auga permitirá dar servizo a unhas 25 vivendas distribuídas entre Aldea Grande e Aldea Pequena e era unha infraestruturas hidráulica longamente agardada polos residentes nestes dous núcleos de poboación do lugar de Loureiro na parroquia de Figueroa.
Esta actuación enmárcase dentro das levadas a cabo polo grupo de goberno que lidera o alcalde Jorge Cubela para pririzar a atención da veciñanza con problemas de abastecemento ou deficiencias nas traídas veciñais. Así, o Concello de Cerdedo-Cotobade leva destinado nos últimos anos máis dun millón de euros en afrontar a construción deste tipo de depósitos ou en colaborar cos veciños na reforma ou adaptación ás novas necesidades da poboación en materia de subministro de auga corrente ás vivendas.