• Os populares, tras solicitar toda a documentación sobre o proxecto anunciado, recibiron unha resposta o 2 de outubro na que se afirma que “non existen, neste momento, previsións concretas acerca da construción dunha nova Comisaría”
• O PP defende a “necesidade primordial de que se constrúa unha nova sede provincial do Corpo Nacional de Policía para que os nosos policías desenvolvan as súas funcións nunhas condicións dignas e non nas instalacións actuais, que non as reúnen”
A concelleira do Partido Popular de Pontevedra, Pepa Pardo, cuestionou a “contradición” entre a resposta recibida no Senado, a semana pasada, e os anuncios efectuados polo Concello e o subdelegado do Goberno, Abel Losada, días despois, sobre os plans de construción dunha nova Comisaría do Corpo Nacional de Policía na Casa do Mar de Mollabao.
No mes de xuño; os senadores Pepa Pardo, Nidia Arévalo e José Crespo solicitaron información sobre o proxecto na Cámara Alta. A resposta fíxose esperar pero o 2 de outubro remítese un escrito desde o Senado, en cuxo parágrafo primeiro afírmase que “non existen, neste momento, previsións concretas acerca da posible construción dunha nova Comisaría”. Unha frase e
Con todo, no parágrafo segundo, o Goberno central contempla a posible execución deste proxecto ao redactar que ”dentro do proceso de mellora e modernización das infraestruturas policiais que se levou a cabo nestes últimos anos, e que supuxo o maior investimento histórico na mellora e construción de novos edificios policiais, están a estudarse diversas propostas, entre elas, a relativa ao edificio denominado antiga Casa do Mar para, no seu momento, valorar a posibilidade de construción dunha nova comisaría”.
Unha semana despois da contestación enrevesada aos senadores, o 9 de outubro publícase en prensa que o Ministerio do Interior autoriza o traslado da Comisaría Nacional de Pontevedra á Casa do Mar e que o proxecto contempla a demolición do actual edificio e a construción dun novo que terá dúas plantas de aparcamento.
Ante o contraditorio da resposta remitida o mércores da semana pasada por parte do Goberno central e a noticia anunciada sete días despois; Pardo subliñou, en nome de todo o grupo municipal e do PP, a “necesidade primordial de que se constrúa unha nova Comisaría en Pontevedra para que os nosos policías desenvolvan as súas funcións en condicións dignas e non nas instalacións actuais, que non as reúnen”.
O Partido Popular, para esixir concrecións sobre a realidade ou non do proxecto, vai rexistrar novas preguntas no Congreso dos Deputados e no Senado para saber “a que criterios obedece o cambio de opinión do Goberno de España entre o 2 e o 9 de outubro?; en que data autorizouse o traslado, por parte do Ministerio do Interior, e cando se fará efectivo?; quen outorgou a autorización?; en que estado atópase o proxecto de demolición da Casa do Mar para a construción da nova Comisaría?; que orzamento e prazos de execución baralla o Goberno?; e existe dotación orzamentaria para iso?”.
A senadora pontevedresa ha criticado a “absoluta falta de coordinación” entre o subdelegado do Goberno en Pontevedra e o Ministerio do Interior: “Deben aclarar quen mentiu aos pontevedreses. Que ocorreu nestes sete días?”.
