A secretaria xeral do PPdeG, Paula Prado, e o presidente provincial do PP de Pontevedra, Luis López, asistiron esta tarde á Feira do Viño de Vilaboa acompañados polo candidato do PP á alcaldía, Alberto Acuña, e membros da súa lista.
López salienta que Alberto Acuña é un gran candidato e será un mellor alcalde para Vilaboa, como o vén demostrando nos últimos catro anos cun traballo moi importante, fiscalizando a labor e as contas do Goberno local, pero tamén recollendo e defendendo cada unha das demandas dos veciños, das parroquias e dos colectivos locais. Sinala que na rúa xa se percibe que hai gañas de cambio en Vilaboa, e Alberto Acuña e o PP son a única alternativa para garantilo a partir do 28 de maio.
