• Luciano Otero supervisa a pavimentación do Camiño Puntapaciños, que facilita o acceso a fincas e vivendas.
O alcalde de Pazos de Borbén, Luciano Otero, visitou as obras de pavimentación do Camiño Puntapaciños, unha actuación clave que mellorará o acceso a fincas e vivendas da zona. Este proxecto, promovido polo goberno local, forma parte dun ambicioso plan de mellora das infraestruturas rurais, que busca facilitar a mobilidade e incrementar a calidade de vida dos veciños e veciñas do municipio.
O grupo de goberno liderado por Luciano Otero destacou que estas obras responden a unha demanda histórica da veciñanza e que, unha vez completadas, ofrecerán un acceso máis seguro e eficiente ás propiedades. “Seguimos apostando polo desenvolvemento de proxectos que beneficien directamente á xente, escoitando as súas necesidades e dando respostas concretas”, afirmou o alcalde durante a súa visita ás obras.
O proxecto estará finalizado nas vindeiras semanas, garantindo que o acceso a fincas e vivendas quede mellorado antes da chegada do inverno. Luciano Otero e o seu equipo continúan traballando para que Pazos de Borbén siga liderando en infraestruturas rurais, apostando sempre polo benestar e o progreso da comunidade.